المساعد الشخصي الرقمي

عرض الإصدار الكامل : تنزيلات تنزيلات ^^؟ سنتربوينت ؟^^


Aliyaqoot
21/05/2010, 11:11 PM
إخواني الكرام السلام عليكم ورحمة الله وبركاته

من خلال هذا الموضوع
حبيت أخذ آراءكم وملاحظاتكم على تنزيلات سنتربوينت

ومن خلال ملاحظاتي أنا شخصياً أجد أنه يوجد تلاعب في الأسعار بين قبل التنزيلات وأثناء التنزيلات (مثل ما يدعون)

مرفق لكم صورة تكرمو لنعال ماركة جوزيف

في تنزيلات سابقة أخذت من نفس الماركة لكن شكل مختلف بقيمة 11 ريال

أما اليوم تفاجأت بأن سعر شكل مختلف من نفس الماركة بقيمة 20.100 ريال
لكن مكتوب عليها سعر قبل التنزيلات كان 33.500 ريال
وحسب علمي وزياراتي المتواصلة لهذه المحلات أذكر كان سعرها بدون التنزيلات بحدود 26 ريال

الآن تساؤلي هل أحد منكم لاحظ هذا الشيء؟

أترك لكم المناقشة لإستفادة الجميع

Last Action
21/05/2010, 11:16 PM
همه و هوم سنتر نفس الحاله مره فوق ومره تحت ما ثابتين
بس تشتكي حال من !!

أمير الوحدة
21/05/2010, 11:19 PM
أنا عجبتني الأسعار بشكل عام بس ما اشتريت غير مخدة نوم

KING MUSCAT
21/05/2010, 11:24 PM
الحين في تنزيلات في سنتربوينت؟؟؟

لاـ
21/05/2010, 11:26 PM
ترى ف كل المحلات كذا

مو بس سنتربوينت

شعبنـا تعبان عقليا , ولا كآن بيحسبها صح :)

روزيز
21/05/2010, 11:28 PM
فعلا والله كلامك صحيح مية بالمية

في شنطة كانت عاجبتني في سبلاش "سنتربوينت"
وكان سعرها 20 ريال

قلت ما بشتريها خلني انتظر التنزيلات وع طول بروح اخذها
لما رحت شو شفت
لقيت حاطين سعرها الاولي 23 وبعد التنزيلات 20
........
ما استفدنا شئ

روزيز
21/05/2010, 11:29 PM
الحين في تنزيلات في سنتربوينت؟؟؟

ايوا
بادي من الاثنين الماضي:)

الرجل المهم
21/05/2010, 11:29 PM
أنا من زبائن هالمحل..

بالنسبة للنعلان

مرة اشتريت نعال من ماركة معينة بسعر 11 ريال على ما اذكر

قبل كم اسبوع كان عندهم عرض تشتري نعالين وتحصل على الثالث مجانا

وشيكت على النعلان , حصلت نفس النعال اللي اشتريتها بـ10 ريال بسعر 18 ريال

وعرفت ان التنزيلات مو دائما صح.

KING MUSCAT
21/05/2010, 11:31 PM
ايوا
بادي من الاثنين الماضي:)

حتي الأثاث؟؟

روزيز
21/05/2010, 11:37 PM
حتي الأثاث؟؟

لا
.............
سبلاش ولايف ستايل وبيبي شوب وشو مارت.....اما الاثاث لا:)

Aliyaqoot
21/05/2010, 11:46 PM
أشكر الجميع على هذا التفاعل

ويعني أن معظمكم لاحظ هذا الشيء

ونتمنى من الذين لاحظو هذا الشيء يذكروه لنا لكي يحطاط الجميع

عشقي وطن
21/05/2010, 11:50 PM
فيه تنزيلان ع الفكس "عندي اللوزتين ملتهبتين وتتمنكران" "فهل تنزيلات سنتر بويت تفي بالغرض"؟؟؟!!

KING MUSCAT
21/05/2010, 11:50 PM
لا
.............
سبلاش ولايف ستايل وبيبي شوب وشو مارت.....اما الاثاث لا:)

خساره:ضحك:

Aliyaqoot
22/05/2010, 07:52 AM
متابعين ..............

المنتفخ
22/05/2010, 08:21 AM
اصلا انا دخلت السنتر بوينت الاسبوع الماضي والناس حشرة.. تقول ما شايفين خير وكل واحد تارس سلة..
التنزيلات في اي مكا ما تدش عقلي ابدا..

عيون غزلان
22/05/2010, 08:32 AM
اشتريت من عندهم حاجة ولما رحت احاسب كان في فرق في السعر. السعر المعروض عالمنتج اقل من السعر عند المحاسبة ما عجزانة اني ادفع المبلغ الزيادة بس تعصبت من هالتصرف سبحان الله الواحد يعمله ميزانية يشتري بعض الاغراض على حسب السعر المعروض ويوم يروح يحاسب السعر يطلع اكثر
حركة ماحلوة بصراحة
ولا الاحظ عندهم محاسبات بطيئات بصراحة ويوم تجي زبونة يقومو يحاسبو ويسولفو وعاد نحن ننطظر بالدور لين السالفة تخلص بصراحة هاشغلتين لازم ينتبهو حالها
كتبت راي بس عشان لعل حد من اصحاب المحل يقرأ الموضوع ويحلو هالمشكلة

عز السلطنة
22/05/2010, 08:39 AM
أخوي بعض المحلات التي تعمل تنزيلات تتلاعب ف الأسعار قبل فتره وبعدها تعمل تنزيلات وحن بعد مانشوف سعر التنزيلات نكشخ :كاشخ: وهم ضاحكين عليمنا

adalasmy
22/05/2010, 09:04 AM
المحلات الكبار للناس الكبار انا اغراضي كلها من الاسواق العاديه وما فحياتي اشتريت من هالمحلات بس اروح اتمشى واضحك عالناس اللي تنخرف

LeeNa
22/05/2010, 09:22 AM
اشترينا كرسي في الايام العادية بــ72 ريال
وايام التنزيلات حصلناه مكتوب عليه 80 ريال قبل و 72 بعد!!:مفتر:
وخبرناهم كيف كذا.. وقالوا لا سعره 80 ريال خبرناهم احنا اشتريناه ب72 قالوا يمكن موديل ثاني وهو نفسه نفسه !!:مستغرب:

شمعة مسقط
22/05/2010, 09:27 AM
اشترينا كرسي في الايام العادية بــ72 ريال
وايام التنزيلات حصلناه مكتوب عليه 80 ريال قبل و 72 بعد!!:مفتر:
وخبرناهم كيف كذا.. وقالوا لا سعره 80 ريال خبرناهم احنا اشتريناه ب72 قالوا يمكن موديل ثاني وهو نفسه نفسه !!:مستغرب:
معقولة ..!!!:مستغرب:

راعي الناقة
22/05/2010, 09:32 AM
ههههههههههههههههههههه--حماااااس لاه عااد من هذا العيار الي يلعب ب الاسعار كذاك ...تو همة يقصو على من

راعي الناقة
22/05/2010, 09:33 AM
يمكن هذاك الكرسي مايخترب..مصنوع مدى الحياة ههههههههههههههههههههه

شذى الورود
22/05/2010, 09:37 AM
هههههههه...يضحكوا على عقولنا..
وهم يتلاعبوا بالاسعار

**HMD**
22/05/2010, 09:37 AM
على فكرة تجد احياناً فروق بسيطة في التنزيلات بس فقط للبضائع الكاسدة اقصد يلي ما احد يرغب في شرائها من قبل وتكون عبئ عليهم في المخازن ، على سبيل المثال الأحذية أحياناً تكون عندهم مقاسات كبيرة قلية الاستخدام وأحياناً الألوان غير مرغوبه وعاد في التنزيلات بيقولك السيلس مان "مخلص" ما فيه إلا هذا اللون فقط ، أو هذا القياس !!!!!!

العيون
22/05/2010, 09:39 AM
ألاحظ تنزيلاتهم غش ف غش بس هم الربحانيين ف كسب الزبون
تنزيلات 70%
او 50% والناس مره تحصل زحمه ع المحل
واذا تجي تحسبها صح ما شي تنزيل نهائي كله لعب ف عقول الناس
هداهم الرحمن .

ألم وحزن
22/05/2010, 09:39 AM
التنزيلات نص نص..بس حلوه الصراحه مرات تكون

Miss Photo
22/05/2010, 09:44 AM
واللهـ السوقـ عندنا بشكلـ عامـ غشـ في غشـ

روحو شوفو اسواقـ الخليجـ بسـ ما اقولكمـ اوربا

رحتـ دولهـ وحدهـ خليجيهـ طوولـ ايامـ السنهـ وهما عندهمـ عروضـ ولا اروعـ

خليـ المسؤولينـ عنـ سوقنا شويـ يفتحو عيونهمـ ويشوفو التجارهـ بعينها ما يضحكو علينا

لكنـ بو فيدهـ القلمـ ما يكتبـ عمرهـ شقيـ

حسبيـ اللهـ ونعمـ الوكيلـ

سر الغروب
22/05/2010, 09:46 AM
:غاضب:واحنا يا عيني نروح فقط ف التنزيلات وما نعرف بالسالفه ونستغرب لما نشوف تخفيضات والفرق كبير بين المبلغ الاصلي وبعد التخفيضات :مستغرب:


طلعو يقصو علينا اهئ اهئ:حزين::حزين:

سماسم
22/05/2010, 10:37 AM
والله يقصوا على نفسهم مايقصوا على حد، بدليل ان الناس كلها عارفه هذه النقطة ومكشوفين انهم غشاشين..

Aliyaqoot
22/05/2010, 12:03 PM
متابعين ..........

المرعب9
22/05/2010, 12:35 PM
تكرموا
النعال الموجوده في الموضوع
سير عند الباكستانية في سوق السيب وبيعملولك مثلها بالضبط

أم صبا
22/05/2010, 01:00 PM
وين وزارة التجاره ...؟

ولا هالوزارة بس شكل مالها اي فايده ؟؟

وين الرقابة ووين مصلحه المستهلك ...؟

الساطور
22/05/2010, 01:05 PM
ما شي تنزيلات بس يضحكوا على الناس .

rose the one
22/05/2010, 01:17 PM
أنا من الهنود وريحة شعورهم ماقدرت ادخل تقول منتزقين كأن التنزيلات آخر مرة فحياتهم

المهم شفت قميص مكتوب عليه القيمة الأصلية وقيمة بعد التنزيلات
المهم يوم رحت عالمحاسبة الحرمة حاسبت عالسعر القديم,؟؟؟

يعني خرفوني عيني عينك

rose the one
22/05/2010, 01:18 PM
وين وزارة التجاره ...؟

ولا هالوزارة بس شكل مالها اي فايده ؟؟

وين الرقابة ووين مصلحه المستهلك ...؟

وزراة الطل التجارة وحماية المستهلك نايمين نومة أهل الكهف

SmaLL - EVO
22/05/2010, 01:25 PM
هذي سياسه معروفه في مثل هالمحلات ... :مفتر:

اي مكان فيه تنزيلات ما اروح له

اولا : زحمه :غاضب:

ثانيا : السعر ما متغير ويمكن اكثر من السعر السابق :حزين:

ثالثا : معظم الاشياء كانت ف المخزن عشان يتخلصوا منها يعرضوها ويقولوا تنزيلات :معصب:

ف احسن شي روحوا بوقت لا يكون تنزيلات ولا شي ;) :كاشخ:

حان الرحيل
22/05/2010, 01:26 PM
لا جديد في ذلك

هم دائما يفعلون ذلك

والكثير لاحظ ذلك

RAHAF2009
22/05/2010, 01:31 PM
العديد من المحلات كذاا يسواا يكتبواا تنزيلات و همه بالاساس يزيدواا السعر

لانه المعروف اول ما يكتبواا تنزيلات الناس تركض على المحلات الي فيها تنزيلات

Miss Photo
22/05/2010, 04:41 PM
حمايهـ المستهلكـ فيـ عمانـ فقط أسمـ مبروووووووووووووووز وجودهـ زيـ عدمهـ

تعالو شوفو حماية المستهلكـ فـ مصر حتى لو حبة طماطهـ ارتفعـ سعرها عنـ باقيـ السوقـ

نعمـ انهـ ف الجريدهـ بينكتبـ اسمـ التاجر وبيندمـ انهـ رفعـ قرشـ واحد

لكنـ هنا عندناا حااااااااااميها حرااااااااااااميهاااااااا

Miss Photo
22/05/2010, 04:48 PM
يومـ باغينـ تشوفو العروضـ

اشتريت فيمتو ب ريالـ سعوديـ فيـ رمضان الماضيـ وتحديدا منـ التميميـ ( الركاء بلازا ) واشتريت باف بستري بريالين سعودي وهنا ف عمان ب 800 ويوصل بريال :) حماية المستهلكـ شغالينـ اللهمـ لا حسد

SpiritSound
22/05/2010, 04:59 PM
ما أهتم اذا فيه تنزيلات أو لا.. دام الغرض عاجبني وأشوف ان سعره يستاهل عادي أشتريه

BaLaNcE
22/05/2010, 05:03 PM
حصل معي نفس الموقف قبل كمن سنة
في محل بيع الكترونيات
سعر منتج الاصلي ب 7 ريالات
بعد كمن يوم مسويين تنزيلات 50 بالمية
فسعر نفس المنتج الي بسبعة كاتبين عليه 14 ريال
وبعد التنزيلات 7

أظن هذي سياسة تتبعها بعض المحلات عشان يلعبوا بمخ المشتري عشان يزودوا قيمة المشتريات

BaLaNcE
22/05/2010, 05:06 PM
وزراة الطل التجارة وحماية المستهلك نايمين نومة أهل الكهف

:ضحك:

Aliyaqoot
22/05/2010, 10:58 PM
متابعين ........................

Aliyaqoot
25/05/2010, 07:54 AM
للرفع..............

دمعة شقى
25/05/2010, 08:36 AM
مراحب ..... بصراحة نعالان سنتر بوينت مو بس صاعقة في السعر وحتى بالشكل خاصة النعلان النسائية شكلة قديمة وملبوسة من مدري كم سنة وعارضينه ع 30 و 40 ريالاً وبعد الخصم اونه 15 ريال و 18 ريال بصراحة أحس حرام والله انه سوق مطرح ابرك لي مليون الف مره .... مع التحية ....

زيزفونة
25/05/2010, 08:46 AM
هذه تنزيلات نحن ف البلد ماعندنا شي اسمه تنزيلات حقيقيه يقولك 70% والسعر هو هو مرتفع ماعرف كيف 70% ..

الطائر الجديد
25/05/2010, 08:54 AM
:غاضب::غاضب::غاضب::غاضب::غاضب::غاضب:
:غاضب::غاضب::غاضب::غاضب::غاضب:
:غاضب::غاضب::غاضب::غاضب:
:غاضب::غاضب::غاضب:
:غاضب::غاضب:
:غاضب:

دمعة شوق
25/05/2010, 09:14 AM
حسبي الله ونعم الوكيل

Aliyaqoot
29/05/2010, 07:33 AM
متابعين ..............

smm007
29/05/2010, 08:19 AM
لاتنسونا بالفكس

ابن المعالي
29/05/2010, 08:22 AM
ومسكين الشعب يركض ركض اذا سمع هناك تنزيلااااااااااااات:كاشخ:

meenaH
29/05/2010, 09:36 AM
انا استغرب انكم تصدقوا لعبة التنزيلات هذي

رفات الامل
29/05/2010, 09:58 AM
اصلا التنزيلات في سنتر بوينت للموديلات الخايسه ... يعني الموديلات الشيك ما عليها تنزيلات ..

sparked moon
29/05/2010, 10:17 AM
هذي تصير احيانا بس بشكل عام أسعارهم حلوة وقت التنزيلات بعدين في اوقات يرفعوا وينزلوا قيمة السلع وانتي أخذتيها وقت كانت الاسعار نازلة وبعدها ارتفعت السلع وبعد الارتفاع صارت التنزيلات!

ارجوحة الاحزان
29/05/2010, 10:23 AM
ينزلوا ريال او ريالين في بعض الاغراض....


بس اغراضهم روعه........:كاشخ:

GM911
29/05/2010, 10:37 AM
والله يقصوا على نفسهم مايقصوا على حد، بدليل ان الناس كلها عارفه هذه النقطة ومكشوفين انهم غشاشين..


لو كانوا الناس عارفين هذا الغش

كان ماتشوفيهم مثل * الجراد *

بالاس
29/05/2010, 11:16 AM
رحت وما عجبني شي

بالاس
29/05/2010, 11:21 AM
في اللولو بعد تنزيلات مهرجان المانجو

وفي مخزن العاصمة

زهرة صلاله
29/05/2010, 01:08 PM
على بالي مال ريال واحد

eqtabas
29/05/2010, 05:21 PM
فعلا في تلاعب بالاسعار خذوا بالكم كم مرة اكتشف انه السعر قبل وبعد تنزيلات ما تغير

Pink perry
29/05/2010, 05:55 PM
أنا الصراحة ما أحب سنتربوينت اللهم بس اشتري من kappa حق الشاليه :كاشخ:

انتظر نتائج التخصص
29/05/2010, 06:14 PM
ما رحت بعد التنزيلات...بس اسعارهم دائما تناسبني سواء في تنزيلات او لا :)