المساعد الشخصي الرقمي

عرض الإصدار الكامل : كيف تسترد فلوسك من الشخص المتسلف منك؟؟؟


عذاب البرد
27/05/2009, 10:54 AM
يا هلا بالجميع..
أرجو النقاش الجاد من جميع الأعضاء..

لا أدري ما إذا كان الموضوع قد طرح في السبلة العامة من قبل أم لا،
فأنا قد سمعت هذا الموضوع من فترة في إذاعة (هلا إف إم) وأريد أن أشارك أخواني وأخواتي أعضاء السبلة فيه..

الموضوع هو: كيفية إسترجاع نقودك من الشخص المتسلف منك ..

يعني كثير ما نشعر بالخجل عندما نطالب شخصا ما قد تسلف مبلغا منا باسترداده لنا، خاصة إذا كان الشخص قريبا جداً منا.

فالكثير من يعلم أن (الساكت عن الحق شيطان أخرس).

طبعا أخواني/أخواتي الكرام لكل واحد منا طريقة ما في إسترجاع نقوده، أود أن نستفيد ونفيد من خلال طرحي للموضوع وأيضا من خلال الردود الإيجابية منكم..

من خلال هذا السؤال: كيف تسترد نقودك من الشخص المتسلف منك؟؟؟
أتمنى من الجميع المشاركة..

بارك الله فيكم جميعا .. ونحن دائما لرقي السبلة

أبو جهاد الهنائي
27/05/2009, 10:58 AM
في هذا الزمان صار الواحد ما يثق بالأطراف الأخرى إلا من رحم ربي .. كان الله في عونك أخي الكريم

عذاب البرد
27/05/2009, 11:00 AM
في هذا الزمان صار الواحد ما يثق بالأطراف الأخرى إلا من رحم ربي .. كان الله في عونك أخي الكريم

كلامك صحيح أخي الكريم أشكرك تواصلك..

أم خليفه
27/05/2009, 11:03 AM
يعتمد من الشخص إذا أخوي أو أختي عادي بقولهم كيييييييف متى أستلم فلوسي :) ..

أما حد غير برسل لهم مسج حلو واذكرهم بالموضوع ..

الاول-1
27/05/2009, 11:03 AM
على قولة اهل التجارة
السلف تلف
يعني اذا سلفت احد
بتكون بالحظ اذا رجعهن ولا لالالالالا

الشمعه المضيئه
27/05/2009, 11:09 AM
عن نفسي ماااااااااااااا اقدر ابد اقول لاي شخص اريد فلوسي.........واااايد صعبه.......

نسمة سكون
27/05/2009, 11:11 AM
انا صارلي نفس الموقف طلبت مني مبلغ وخبرتني بترجعلي بنهاية الشهر وطبعا ما شوفت منها شي وتعرف وش سويت كنت اتصل كثير بالبنت ااذيها وبعد كذي كنت ارسل رسائل فهمتها بطريقه غير مباشره اني بحاجه الى المبلغ ومن هذا القبل وتخيل متى رجعت المبلغ طبعا بعد عناء ويأس الإتفاقيه بنهاية الشهر وهو نفس الشهر الي عطيتها رجعتهم بعد تسعه اشهر بصراحه منت يائسه حتى مره طنشتي فتره طويله قلت خلاص رحت فيها ومن هذا اليوم اتعلمت درس

أبو جهاد الهنائي
27/05/2009, 11:11 AM
عن نفسي ماااااااااااااا اقدر ابد اقول لاي شخص اريد فلوسي.........واااايد صعبه.......

ونفس الشئ صعب تردي أي شخص يجيك يريد سلف خاصة إذا أبدى أعذار مقنعة ويصعب عليه مجاراتها ، بس شو الحل لما يغيب الضمير ..

أبو جهاد الهنائي
27/05/2009, 11:13 AM
انا صارلي نفس الموقف طلبت مني مبلغ وخبرتني بترجعلي بنهاية الشهر وطبعا ما شوفت منها شي وتعرف وش سويت كنت اتصل كثير بالبنت ااذيها وبعد كذي كنت ارسل رسائل فهمتها بطريقه غير مباشره اني بحاجه الى المبلغ ومن هذا القبل وتخيل متى رجعت المبلغ طبعا بعد عناء ويأس الإتفاقيه بنهاية الشهر وهو نفس الشهر الي عطيتها رجعتهم بعد تسعه اشهر بصراحه منت يائسه حتى مره طنشتي فتره طويله قلت خلاص رحت فيها ومن هذا اليوم اتعلمت درس

زين منها رجعتهن لأن فيه ناس بالنهاية أتقول تراك هلكتنا ما عندي أرجع لك وما في أعلى خيلك أركبه . :حزين:

عذاب البرد
27/05/2009, 11:18 AM
أخواني الأعزاء أشكر تواصلكم الكريم وردودكم الطيبة ..

الشمعه المضيئه
27/05/2009, 11:25 AM
ونفس الشئ صعب تردي أي شخص يجيك يريد سلف خاصة إذا أبدى أعذار مقنعة ويصعب عليه مجاراتها ، بس شو الحل لما يغيب الضمير ..

انا ما قدر ارد اي شخص يطلب مني مساعده..........
بس ف مره صار لي موقف ف وحده طلبت مني كذا مره وكل مره تزيد فالمبلغ وبصراحه فالنهايه قلتلها ما قدر اعطيك المبلغ الاهل محتاجين............

ريم الشمالي
27/05/2009, 12:22 PM
المفرض الواحد ما يطول الي مستقرض يردهن بالمرة
لانه ما يعرف حال الي مستقرض منه
اعرف واحد مات وعليه دين ما يقارب 45000
ولحد اليوم ما مسددين والناس تركض تريد فلوسها وزجته واولاده حالتهم ما تسمح يردوا هذا الدين فما كان منهم الي يطرقوا البيبان يطلبوا السموحة

صـخراوي
27/05/2009, 12:41 PM
عن نفسي ما أسلف إلا الشخص الواثق منه جدآ ، لأني قبل فترة مرة بتجربه وقمت بتسليف شخص وعذبني لين ما رد المبلغ ومنها أخذت عهد على نفسي ما اسلف إلا الشخص الواثق منه وغيره ممكن أسلفه إذا ظروفي تسمح ...

دمعوعي0.2
27/05/2009, 12:50 PM
انا عن نفسي نادرا ما اسلف(عص) بس اذا اقتضى الامر بعطيه مهلة كم يوم وبعدين اذكره بمسج يلطف الجو واذا يشفته يتهرب عاد ذيك الساعة فيه عدة اساليب:
- طرش شخص مقرب منه وخليه يخبره بحاجتك الماسة لذيك الفلوس وانك مخجل تواجهه شخصيا واذا طنش:
- طرش مسج صريح توجه له فيه عتاب لتأخره بإرجاع الدين واذا طنش:
-روح للمكان اللي يتعود يجلس فيه وكلمه قدام ربعه(يمكن يستحي ع دمه ويحس) واذا طنش:
-سلم عليهن خوازيك لان الصاحب طلع جوس ولا تحلم تشوفهن مرة ثانية

مقشاع من حديد
27/05/2009, 12:52 PM
التهديد بالقتل.....

الاستادار
27/05/2009, 12:55 PM
المفرض الواحد ما يطول الي مستقرض يردهن بالمرة
لانه ما يعرف حال الي مستقرض منه
اعرف واحد مات وعليه دين ما يقارب 45000
ولحد اليوم ما مسددين والناس تركض تريد فلوسها وزجته واولاده حالتهم ما تسمح يردوا هذا الدين فما كان منهم الي يطرقوا البيبان يطلبوا السموحة

45000
حشا عاد من هذا بو سلفة :مستغرب:

ريم الشمالي
27/05/2009, 12:58 PM
45000
حشا عاد من هذا بو سلفة :مستغرب:

اعرف انكم بتستغربوا بس والله صحيح ومستوي فحارتنا
عسى يقدروا يسددوا دين ابوهم

أبو جهاد الهنائي
27/05/2009, 01:00 PM
اعرف انكم بتستغربوا بس والله صحيح ومستوي فحارتنا
عسى يقدروا يسددوا دين ابوهم

إحتمال ما يكون سلف نقدي ، يمكن يكون جزء من معاملة تجارية أو ما شابه ..

عذاب البرد
27/05/2009, 01:24 PM
حصلت لي مره وحده مع زميلي يدرس ف الخارج، إتصل فيني يبغى مبلغ ضروري فقلت له أفااااااا
عليك، بس لحد اليوم هذا ما رجع المبلغ اللي عليه وبالنسبة لي أنا ف ما عارف كيف اقوله وأواجهه..
:مستحي::مستحي::مستحي:

عُمَانِي للأَبَد
27/05/2009, 01:47 PM
كل بيئة تؤثر على أطباع الشخص وسلوكه..

أنا تربيت في بيئة بدوية ومن أطباعي أني ما ارد حد يبى مساعده مني سواءا مادية أو معنوية. وإذا صار وطلب مني شخص سلفة من المال وكنت قادر عليها فما أرده ابد وما أنتظر منه يرجعلي المبلغ..

الأيام يا اخوان (( يوم لك ويوم عليك)) خسرت مبلغ من المال لكنك كسبت دعوة صادقة من أخ أو زميل طلب منك مساعده وقدرت تطلعه من ضيقة مالية.. أنا أول واحد اكون سعيد اذا اشوف اخوي او زميلي مبسوط وفرحان.. (( من فرج عن مؤمن كربة فرج الله عنه كربة من كرب يوم القيامة))


نصيحة أخوية ::: أحسن إلى الناس تستعبد قلوبهم..فلطالما استعبد الحر إحسان

لكم خالص الود

برشلوني قح
27/05/2009, 02:14 PM
ان اذكر في مره واحد تلسف مني خمسين بيسه عشان يشتري فزي مال 50

وللحين ما رجعها ... :(

ولكن بعدني ما يأست انتظره يرجعهـأ ...

العرافه
27/05/2009, 02:16 PM
اذا متسلف مني مثلا50 ريال

راح اخذهم بالتقسيط..

يعني اقول.. هالمره هات 10 والمره الثانيه 25 وهكذا دواليك


صارت معاي مره وكان المبلغ 20 ريال..

ونفعت

طبعا هي قالت ممكن ترجعي الفلوس محتاجه.. انا قلت.. عاد بطريقه سياسيه.. لا احسن تعرفي انتي مره خذيتي مني 20 والحين خلص.. تصافينا.. يعني ما فيه شي..

ابن-آوى
27/05/2009, 02:34 PM
ان اذكر في مره واحد تلسف مني خمسين بيسه عشان يشتري فزي مال 50

وللحين ما رجعها ... :(

ولكن بعدني ما يأست انتظره يرجعهـأ ...

هههههههههههههههههههههههه :ضحك:

بصراحة قصة مأثرة جدا ما حاولت ترسلة حد من أهلك يكلمة يمكن يلين قلبة :كاشخ:

الله يساعدك

حكاية القدر
27/05/2009, 03:09 PM
طبعا المبلغ لازم يكون محترم عسب ما نبين زطوط قدام الخلق :كاشخ:
فيه طرق مختلفة بس اقول له اريد اتسلف من عندك نفس مقدار المبلغ بو هو استقرضه قبل وبس :)

ولد نزوى
27/05/2009, 03:25 PM
خلوها مستوره
الي يبي رأي لا تسلف اي شخص وسأل مجرب..
يعني سلف اصدقائك المقربين بس ولو ان بين الاصدقاء ما شي سلف لان الي ف جيبي اعتبره ف جيبه..
بس يجيك حي الله واحد وتسلفه هذي مشكله..
انا سلفت اشخاص كثيرين وما شفت من عندهم
شي 40 و 50 و 100 و 150 كلهن ما رجعلي
غير العشرات والخمسات..
لو ربيعي تسلف مني ( اقصد صديق مقرب) لخاص بنساهن لاني مثل ما خبرتكم الى ف جيبي اعتبره ف جيبه والعكس .. بس زميل من بعيد وما رجعهن افضل طريقه اتصل فيه وقوله انا محتاج مبلغ واذا عندك تسلفني او ترجعلي الي مسلفنك اياهن وطبعا بيقولك ما عندي لانه لو ف الاساس يبي يرجعهن ما بينتظرك لحد ما تتصل فيه.. هذا ع الاغلب بس البعض وهذا نادراً ف الموعد بيرجعهن

بياعة الخواتم
27/05/2009, 03:31 PM
ان اذكر في مره واحد تلسف مني خمسين بيسه عشان يشتري فزي مال 50

وللحين ما رجعها ... :(

ولكن بعدني ما يأست انتظره يرجعهـأ ...


خمسين بيسة مره وحده:منتزق::منتزق::منتزق::منتزق:
وبعد للحين ماردهم
الله يعينك عليه

حكاية القدر
27/05/2009, 03:32 PM
خلوها مستوره
الي يبي رأي لا تسلف اي شخص وسأل مجرب..
يعني سلف اصدقائك المقربين بس ولو ان بين الاصدقاء ما شي سلف لان الي ف جيبي اعتبره ف جيبه..
بس يجيك حي الله واحد وتسلفه هذي مشكله..
انا سلفت اشخاص كثيرين وما شفت من عندهم
شي 40 و 50 و 100 و 150 كلهن ما رجعلي
غير العشرات والخمسات..
لو ربيعي تسلف مني ( اقصد صديق مقرب) لخاص بنساهن لاني مثل ما خبرتكم الى ف جيبي اعتبره ف جيبه والعكس .. بس زميل من بعيد وما رجعهن افضل طريقه اتصل فيه وقوله انا محتاج مبلغ واذا عندك تسلفني او ترجعلي الي مسلفنك اياهن وطبعا بيقولك ما عندي لانه لو ف الاساس يبي يرجعهن ما بينتظرك لحد ما تتصل فيه.. هذا ع الاغلب بس البعض وهذا نادراً ف الموعد بيرجعهن

كلامك صحيح بس ترى مرات تجيء كمساعدة إنسانية يعني وااحدة محتاجة تكسر الخاطر نردها ونحن عندنا المبلغ والمقترض عاد المفروض يكون ضميره حي وما يتجاهل المبلغ والشخص ..

ولد نزوى
27/05/2009, 03:41 PM
كلامك صحيح بس ترى مرات تجيء كمساعدة إنسانية يعني وااحدة محتاجة تكسر الخاطر نردها ونحن عندنا المبلغ والمقترض عاد المفروض يكون ضميره حي وما يتجاهل المبلغ والشخص ..

ترى ما يستلف الا المحتاج ..
والي يستلف يمكن هو انسان ما زين يستغل الفلوس فأشياء ما زينه
يعني مثلا اعرف شخص يستلف من هذا وهذا وهذا عشان يروح يسكربهن..

حكاية القدر
27/05/2009, 03:44 PM
ترى ما يستلف الا المحتاج ..
والي يستلف يمكن هو انسان ما زين يستغل الفلوس فأشياء ما زينه
يعني مثلا اعرف شخص يستلف من هذا وهذا وهذا عشان يروح يسكربهن..

مال السكر حتى حرام تقرضه لانك تفتح له باب
لكن يستلف الغير محتاج كما بو شغلهم لعب من دون تفكير في الناس بو يستقرضوا من عندهم

دوم مستغمض
27/05/2009, 03:46 PM
يعتمد على حالة الشخص المتسلف مني ..:)
اذا كان شخص غني وعنده غوازي ما اخليه لين ما يردلي فلوسي ..:معصب::معصب:
استخدم كل الطرق والوسائل لين ما يرجعلي فلوسي ...:غاضب::غاضب:
اما اذا كان انسان فقير ما اعاوده ابدا ...:)
وحتى اذا رحت من الدنيا اكون مسامحنه ...:مرتاح:

ولد نزوى
27/05/2009, 03:46 PM
مال السكر حتى حرام تقرضه لانك تفتح له باب
لكن يستلف الغير محتاج كما بو شغلهم لعب من دون تفكير في الناس بو يستقرضوا من عندهم

والبعض يمشي حياته من فلوس الناس يستلف من هذا وهذا..

صدى القرآن
27/05/2009, 03:47 PM
صعبه كثيير إني أقول لأحد أريد فلووسي !! .. إذا ردها هذا من طيب أخلاقه إذا م ردهن حلال عليه .. لأني أسلف معارفي .. فما يغلين عليهم ..

الأعجوبة
27/05/2009, 03:51 PM
قوله بكل صراحة انك تريد الفلوس الي انت مسلفنه

مصمم عجيب
27/05/2009, 03:53 PM
بسيطة ما يحتاج تفكير:متفكر::متفكر:

جيبها بطريقة غير مباشرة سير و قوله أنك محتاج قرض لانك محتاجه ضروري و عاد ذاك الوقت ايدري أنه ما رد الفلوس .

لكن اذا كان واحد يطنش هذا شيء ثاني .

the-end9
27/05/2009, 03:59 PM
تصدق صعبة ما اريد اضغط على الشخص المتسلف مني بس الى متى تسكت
انا اذا تدينت من عند شخص والله ما اعرف انام الا بعد ما ارجع الي تسلفته
بس في زمنا المدين مرتاح والداين في هم وتفكير
العكس صار الامر

ابن حبس
27/05/2009, 04:00 PM
نقاش جميل بس الخجل أيش الحل له وأرد على بعض أخوتي وأخواتي المساعدة الأنسانية غير والعيورية والأستغلال
غير وانا مريت بنفس الموقف أكثر من مرة وحاولت لإسترجاع المبالغ عن طريق إرسال رسالة نصية.
لكن الصح ( كلمة تستحي منها بدها )
تحياتي،،،،،،،،

cowi
27/05/2009, 05:07 PM
حصلت لي مره وحده مع زميلي يدرس ف الخارج، إتصل فيني يبغى مبلغ ضروري فقلت له أفااااااا
عليك، بس لحد اليوم هذا ما رجع المبلغ اللي عليه وبالنسبة لي أنا ف ما عارف كيف اقوله وأواجهه..
:مستحي::مستحي::مستحي:



اهلا صديقي بو معذبنك البرد000 :بلابلا::بلابلا::بلابلا:

حتى انا نفس السالفة رصارتلي:لسان: بس هذا الشخص في عمان :غاضب:

تحياتي عاشق شيراز :نطوط:)cowi(

معاذ
27/05/2009, 05:22 PM
انا اتصلت بوالد الشخص الا متسلف منه
وخبرته انه ولدك متسلف منى مبلغ 100 ريال
ومن شهر وزياده انا اطالبه
الولد يماطل
الاب قالى بتصلبك وما اتصل
لذا عندهم هذا الاسبوع
ومن بعد هذا الاسيوع اذا ما جانى اتصال من الاب او الابن
انا رايح المحكمه

روح عاشقة
27/05/2009, 05:34 PM
انا اتصلت بوالد الشخص الا متسلف منه
وخبرته انه ولدك متسلف منى مبلغ 100 ريال
ومن شهر وزياده انا اطالبه
الولد يماطل
الاب قالى بتصلبك وما اتصل
لذا عندهم هذا الاسبوع
ومن بعد هذا الاسيوع اذا ما جانى اتصال من الاب او الابن
انا رايح المحكمه

،، وين الاهم عندك علاقاتك مع هالعائلة والا 100 ريال ؟!!
خلاص انسى هالمبلغ ،، وخذه درس فحياتك ،، مرة ثانية لا تسلف الا الشخص اللي توثق فيه !!
لا توصلها لقضايا ومحاكم ،، !!!!

شمعة مسقط
27/05/2009, 07:09 PM
بصراحة يصعب علي أقول ردلي فلوسي إلا إذا كان أخوي أو أختي

شمعة مسقط
27/05/2009, 07:11 PM
انا اتصلت بوالد الشخص الا متسلف منه
وخبرته انه ولدك متسلف منى مبلغ 100 ريال
ومن شهر وزياده انا اطالبه
الولد يماطل
الاب قالى بتصلبك وما اتصل
لذا عندهم هذا الاسبوع
ومن بعد هذا الاسيوع اذا ما جانى اتصال من الاب او الابن
انا رايح المحكمه
أف ااسميك راعيها والله :منتزق:

شمعة مسقط
27/05/2009, 07:15 PM
انا اتصلت بوالد الشخص الا متسلف منه
وخبرته انه ولدك متسلف منى مبلغ 100 ريال
ومن شهر وزياده انا اطالبه
الولد يماطل
الاب قالى بتصلبك وما اتصل
لذا عندهم هذا الاسبوع
ومن بعد هذا الاسيوع اذا ما جانى اتصال من الاب او الابن
انا رايح المحكمه
هذي قوية يا معاذ طول بالك

جبل شاهق
27/05/2009, 09:20 PM
انا واقع في هذه التجربة .
الوعد إرجاع الدين بعد شهر وصار الحين سنوات ويتهربوا.
ولا يوجد اثبات للدين !!
اذكرهم ومواعيد بدون فااااااااااااايدة .

جبل شاهق
27/05/2009, 09:23 PM
ايش الحكمة الآلهية إن الله سبحانه وتعالى جعل آبة الدين أطول آية في القرآن الكريم ؟

الجوهرة المفقودة
27/05/2009, 09:45 PM
بصراحه انا قرضت مره وحده بنت مبلغ كبير المهم مريت بازمة ماليه صعبه ولما طلبت منها المبلغ قالت ما عندي :حزين: قلت ما عليه وبعد فترة طالبتها بالمبلغ ونفس الحالة وصرت كل ما اطالبها بالمبلغ تقول ما عندي:مستغرب: لدرجة إني رحت ابيع ذهبي بس علشان أغطي على نفسي من الازمة إلى كنت فيها :حزين:وبعد ما طلعت من الازمة رحت واتصلت فيها وقلتها عندك مهلمه يومين وإذا ما رجعتي المبلغ راح افضحك والله اليوم الثاني اتصلت قالت المبلغ جاهز ناس ما تجيبهم إلا بالعين الحارة :معصب:

وعاد من يومها قلت ما أقرض حد :غاضب: المؤمن لا يلدغ من جحر مرتين بس والله بعدني ما يهجيني اقرضهم :)

معاذ
27/05/2009, 10:43 PM
،، وين الاهم عندك علاقاتك مع هالعائلة والا 100 ريال ؟!!
خلاص انسى هالمبلغ ،، وخذه درس فحياتك ،، مرة ثانية لا تسلف الا الشخص اللي توثق فيه !!
لا توصلها لقضايا ومحاكم ،، !!!!
اهم شى عندى ال100 ريال
لانه لو انا مهم عنده كان بيرجع ال100
بس ما مهم
من كذا جلس يكذب ويتعير
اقول تو الطيب ما كل حد يستاهلها
=== =======
انسى المبلغ
مستحيل
هذا حق
والحق حق
ومحد يزعل من الحق
=== === ==
قبل شويه جانى مسج من الاب
يقولى المبلغ جاهز بلاقيك باليوم الفلانى
الامور طيبه

معاذ
27/05/2009, 10:48 PM
بصراحه انا قرضت مره وحده بنت مبلغ كبير المهم مريت بازمة ماليه صعبه ولما طلبت منها المبلغ قالت ما عندي :حزين: قلت ما عليه وبعد فترة طالبتها بالمبلغ ونفس الحالة وصرت كل ما اطالبها بالمبلغ تقول ما عندي:مستغرب: لدرجة إني رحت ابيع ذهبي بس علشان أغطي على نفسي من الازمة إلى كنت فيها :حزين:وبعد ما طلعت من الازمة رحت واتصلت فيها وقلتها عندك مهلمه يومين وإذا ما رجعتي المبلغ راح افضحك والله اليوم الثاني اتصلت قالت المبلغ جاهز ناس ما تجيبهم إلا بالعين الحارة :معصب:

وعاد من يومها قلت ما أقرض حد :غاضب: المؤمن لا يلدغ من جحر مرتين بس والله بعدني ما يهجيني اقرضهم :)

طلعتى شجاعه ها :مستغرب:
ما شاء الله عليك :كاشخ:
الله يكثر من امثالك

معاذ
27/05/2009, 10:50 PM
هذي قوية يا معاذ طول بالك

خلاص ابو الولد قالى المبلغ موجود

راعي السفينة
27/05/2009, 11:33 PM
إذا يريد مبلغ مثلا 70 ريال اعطيه ياهم
بعد شهر اتصل فيه وقووله انك محتاج 80 ريال

بعد ما يرسلك انتظر يومين ورجعله 10 ريال ;):كاشخ:

اورانوس
27/05/2009, 11:33 PM
التهديد بالقتل.....



ليش ما تقتله بالمره
وتشل الفلوس من مخباه

اورانوس
27/05/2009, 11:35 PM
أذكره كم مره
وإذا ما رجعهن
نقفها من الارض على السماء
وفضحله عينه
يكون مره ثانيه يتأدب

عذاب البرد
28/05/2009, 11:22 AM
أشكر أخواني/أخواتي اللي ردوا ع الموضوع ..
بصراحة أتحفتونا بآرائكم المفيدة ..
بارك الله فيكم جميعا ..

ff2002ml
28/05/2009, 12:27 PM
ههههههههههههههه

فيه مرة واحد قالي روح اسحب لي مبلغ لان ما عندي بطاقة سحب. يعني بيرجعهم باكر من يفتح البنك،

الحين مضى 5 اشهر ما شفت شي

اضنة البنك ما فتح بعده

ALALwi2020
28/05/2009, 12:31 PM
بابا روح زكلمه --- الحقوق يبن حلوق!!!!!!!!!!!!!!!!!!!!!!!!!

مقشاع من حديد
28/05/2009, 12:33 PM
ليش ما تقتله بالمره
وتشل الفلوس من مخباه

المشكلة لو قتلته راح اضطر ادفع الفدية.. يعني بيروح السلف وفلوس زيادة فوقه :غاضب:

الاستاذ الشيبة
28/05/2009, 01:03 PM
اخي العزيز اقصد الشخص مباشرة واطلب حقك فهو حق لك .

اورانوس
28/05/2009, 01:16 PM
المشكلة لو قتلته راح اضطر ادفع الفدية.. يعني بيروح السلف وفلوس زيادة فوقه :غاضب:


ادفعله البيمه....

عماني143
28/05/2009, 01:30 PM
بعضهم تستطيع تخنق عليه التعزيزات
يعني لا تسلفه مره ثانيه
وقبل لا تبدي تسلف حد انته اكيد تعرفه هل يعمل ولا لا يعمل
اذا مجرد طالب وسلفته لا تترجاه يرد المبلغ فالقريب

وقبل لا تسلفه اول مره وطلب سلفه حاول تسلفه مبلغ بسيط وشوفه هل راح يسترد المبلغ حسب الاتفاق!
اذا وثقت فيه ما يمنع توثق معاه مره ومرتين وثلاث
بس اذا تروح تسلف طالب في المدرسة ولا كلية هذا اعرف انه ما جاي يردهن فالقريب خاصه اذا ماله مرتب من مكان

وبعد ما سلفته ووقع الفاس فالراس عاد ياحليلك حاول تضغط عليك اسبوعيا
برسايل الهاتف ولما تشوفه
حاول فالبدايه يكون بينك وبينه تضغط عليه دايما وتخبره بظرورة يدفع
اذا ما راعاك وانت تعرف انه يحصل على مبالغ وتشوفه يلعب بالفلوس بس ما يدفع

حاول تضغط عليه امام ناس ثانيين وتقوله يا فلان ادفع اللي عليك
هو عاد راح ينحرج وراح يسارع يدفعلك عشان ما ياخذوا عنه ربعه فكره انه ما يدفع

وشكرا للموضوع

b2000
28/05/2009, 03:06 PM
انا اخر شي بقول الله يسامح يلي ما رجع فلوسي لانه اذا مات ما يتعاقب بس ان شاء الله , الله بيعوضني من حسنات وثواب.

عذاب البرد
23/06/2009, 12:16 PM
يرفع للمزيد من الآراء..

المجاهد لله
23/06/2009, 12:21 PM
ما أسلف حد من الاساس الا اذا محتاج (حياة او موت)

وما افتح اي مجال وشكراااااا

ذكريات بن عدوان
23/06/2009, 01:40 PM
كل بيئة تؤثر على أطباع الشخص وسلوكه..

أنا تربيت في بيئة بدوية ومن أطباعي أني ما ارد حد يبى مساعده مني سواءا مادية أو معنوية. وإذا صار وطلب مني شخص سلفة من المال وكنت قادر عليها فما أرده ابد وما أنتظر منه يرجعلي المبلغ..

الأيام يا اخوان (( يوم لك ويوم عليك)) خسرت مبلغ من المال لكنك كسبت دعوة صادقة من أخ أو زميل طلب منك مساعده وقدرت تطلعه من ضيقة مالية.. أنا أول واحد اكون سعيد اذا اشوف اخوي او زميلي مبسوط وفرحان.. (( من فرج عن مؤمن كربة فرج الله عنه كربة من كرب يوم القيامة))


نصيحة أخوية ::: أحسن إلى الناس تستعبد قلوبهم..فلطالما استعبد الحر إحسان

لكم خالص الود

الله يعز شانك-اطلبها من اهلها
( المال يفنى والصديق الي بقى- ينفعك لو جار الزمان ومالي)

الغواص الماهر
23/06/2009, 02:59 PM
مسلف اثنين ومن زمان ما ردوهن
ومستحي
بس ياليت يجو مره ثانية.................

shukaily
23/06/2009, 02:59 PM
دبلومسيه مثلا
اعزمه ثم اقوله روحنا اريد الوكاله اشتري سياره.وهناك اقوله اريد مبلغ اذا عندك

اخطبوط البورصة
23/06/2009, 03:18 PM
انا بخبركم بطريقة انا سويتها

واحد من اصحابي اخذ مني قبل سنتين 600 ريال وقال راح ارجعهم اخر الشهر

والاخ صار له 5 شهور ما رجعهم

ففكرت بطريقة

كان صاحبي عنده جنون العظمة وراعي كشخة ومسوي حاله ولد شيوخ

وكنا نسهر في مطعم ، وكان هناك مغربيات يشتغلن نادلات

وصاحب المطعم صديقي واثق فيه

فمره كنت سهران في المطعم وصاحبي موجود

وكانت المغربية تفاهمت معها وكفيلها موجود وقلت لها باعطيش عمولة 10 ريال

ولما كنا جالسين جات البنت المغربية

وقلت لصاحبي يافلان انا اخذت من صاحب المطعم 600 والحين انت المبلغ اعطيه للبنت وهي راح

تعطيهم لصاحب المطعم لانه مسافر

الاخ استحى واليوم الثاني رجع الفلوس وعطاهم البنت

والبنت عطاتهم الكفيل

والكفيل عطاني فلوسي

السهم المستقيم
23/06/2009, 03:29 PM
في هذا الزمان صار الواحد ما يثق بالأطراف الأخرى إلا من رحم ربي .. كان الله في عونك أخي الكريم

كلامك غير صحيح، أنا لما أثق بشخص بكون له معين ، ويكون لي معين،
يعتمد الشخص من يصاحب ومن يصادق،
أنا لما أسلّف صاحبي، ما أسأله أبدا عن إرجاع المبلغ، وهو بنفسه يتابعني،
لكن إذا إحتجت للمبلغ، أتصل بزميلي وأخبره إذا كان عنده مبلغ متوفر أستلفه منه، أو يرجع السلفه، وبس، وأخبره إني محتاج للمبلغ ضروري،
فكما تعودت، لما يشوفني محتاج للمبلغ إلي هو مستلفنه، يوفّر لي المبلغ بأسرع وقت،
متفاهمين مع بعض، وما حد يستحي من الثاني.

Qoloob
23/06/2009, 03:37 PM
ما اريد اكون شريره بس بصراحه انا اتضايق لما اسلف احد وما يرد المبلغ في الموعد المتفق عليه..ما اكون محتاجه للمبلغ واحيانا اجول خليها صدقه بس لما اتذكر ان المبلغ مو بسيط اتضايق وانها مو اول مره!!

هيثم س
23/06/2009, 03:42 PM
ترسل له رسالة وتقوله فيها:
الرسالة دي ليك ... على الله يطمر فيك ... وتجيب

الفلوس اللي عليك يامعفن

الـفـ@ـد
23/06/2009, 04:18 PM
شوف كيف ترجع فلوسك ما اعرف

بس مره ثانيه ما تسلف وايد

مثل بسيط اعطيك عن نفسي عشره او عشرين عشان اذا ما رجعهن ما اجلس اضرب غم

روح الجنان
23/06/2009, 04:19 PM
عجب أنا ما شغلي أسلف حد ..

الـفـ@ـد
23/06/2009, 04:24 PM
عجب أنا ما شغلي أسلف حد ..


احسلك ولا بتنقص الميزانيه :متفكر:

روح الجنان
23/06/2009, 04:30 PM
احسلك ولا بتنقص الميزانيه :متفكر:

كله ولا ينقص ريال :عيار:

غصون ذابلة
23/06/2009, 05:02 PM
عن نفسي ما أحب استرجع فلوسي أبد ؛
احس بخجل وايد ؛

مدري هالصفه فينا كلنا ف البيت ؛
؛

LeeNa
23/06/2009, 05:12 PM
بما اني ما اشتغل ما حد جرب يستلف مني:كاشخ:

واتوقع اذا سلفت حد بستحي اطلب منه :)

أمنيه
23/06/2009, 05:53 PM
مواقف كثيرة نشوفها في هذا الزمان والواحد صار ما يثق حتى في اقرب الناس

مخلص وطن
23/06/2009, 05:56 PM
عن نفسي ماااااااااااااا اقدر ابد اقول لاي شخص اريد فلوسي.........واااايد صعبه.......

بالعكس اسهل شي واحلى شي انك تسلف وتجلس للي مسلفنه فروحه تطالب بحقك :ضحك:هههه