المساعد الشخصي الرقمي

عرض الإصدار الكامل : الأعطال العامه في السياره و كيفية إصلاحها


هاكر 2
03/06/2007, 11:59 AM
السلام عليكم و رحمة الله و بركاته

حبيت أنزل هذا الموضوع من خبرتي المتواضعه عن بعض الأعطال العامه التي يمكن أن يواجهها السائق و الحلول المناسبه لها و طبعا من دون مشاركاتكم البنائه إخواني الأعضاءالموضوع ما راح يكتمل.

بسم الله نبدأ:

لما أضرب سلف ما تشتغل السياره و أيضا الإضاءه لا تعمل: هذا من أكثر الأعطال التي يمكن أن يواجهها السائق و السبب طبعا يكون البطاريه و تستدل على هذا إن الإضاءه لا تعمل وحتى الإضاءه الداخليه و المؤشرات في لوحة القياده.
الحل: شحن البطاريه بمساعدة بطاريه من سياره أخرى أو إستبدال البطاريه.

لما أضرب سلف السياره ما تشتغل بس الإضاءه تعمل: عادة يكون سبب مثل هذا العطل هو دينمة السلف (أو الجهاز الذي يقوم بتشغيل المحرك).
الحل: إستبدال كامل دينمة السلف أو تغيير التالف منها كالأسلاك مثلا.

لما أشغل السياره يبدأ المحرك يتقطع و ما يشتغل بشكل مستمر كالعاده: لهذه المشكله عدة أسباب بس السببين الرئيسيين هو إما الفيول بمب (مضخة البترول) أو إن السياره زايد فيها الكربون (عادة سيارات البنات لأن البنت عادة سواقتها هادئه و دورات المحرك مثلا ما تتجاوز 3000 دوره في كل جير).
الحل: تنظيف الفيول بمب أو تغييرها و إذا كان السبب الكربون الزائد يفضل المشي بالسياره لمسافة أكثر من 200 كيلومتر و تثبيت السرعه عند 130 مثلا.

حرارة المحرك مرتفعه: لهذه المشكله عدة أسباب بس إبدأ أول بفحص ماء التبريد إذا كان عند المستوى أو ممكن يكون السبب تسرب في بيبات المبرد أو ممكن يكون السبب هو مضخة الماء.
الحل: زيادة ماء التبريد او تغيير كامل بيبات المبرد أو تنظيف مضخة الماء أو تغييرها.

طبعا عندي أعطال ثانيه بس أنتظر مشاركاتكم يعني إذا واحد يعرف عطل و كيفية إصلاحه ما يبخل علينا.

Muse
03/06/2007, 01:43 PM
thank you

لكزس
11/06/2007, 06:30 AM
شكرا أخي هاكر على الموضوع..................

الفقير لله
11/06/2007, 08:18 AM
من الاعطال ,,لما تمشي والسياره تاخذ على صوب ,,يعني تروح يمين او يسار طبعا لما تترك المقود ..هذا معناته ميزانيه الرود خربانه او التواير عندك يبغالهن تغيير ,,,,يعني سويلك ميزانيه رود


يالله شباب هاتوا اللي عندكم

COBRA
11/06/2007, 11:10 PM
مشكور على الموضوع المفيد

وهذي المشكله :

لما أشغل السياره يبدأ المحرك يتقطع و ما يشتغل بشكل مستمر كالعاده: لهذه المشكله عدة أسباب بس السببين الرئيسيين هو إما الفيول بمب (مضخة البترول) أو إن السياره زايد فيها الكربون (عادة سيارات البنات لأن البنت عادة سواقتها هادئه و دورات المحرك مثلا ما تتجاوز 3000 دوره في كل جير).
الحل: تنظيف الفيول بمب أو تغييرها و إذا كان السبب الكربون الزائد يفضل المشي بالسياره لمسافة أكثر من 200 كيلومتر و تثبيت السرعه عند 130 مثلا.

** احيانا يكون سببها البلكات او الكويلات

السموحه

الفقير لله
12/06/2007, 08:31 AM
مشكور على الموضوع المفيد

وهذي المشكله :

لما أشغل السياره يبدأ المحرك يتقطع و ما يشتغل بشكل مستمر كالعاده: لهذه المشكله عدة أسباب بس السببين الرئيسيين هو إما الفيول بمب (مضخة البترول) أو إن السياره زايد فيها الكربون (عادة سيارات البنات لأن البنت عادة سواقتها هادئه و دورات المحرك مثلا ما تتجاوز 3000 دوره في كل جير).
الحل: تنظيف الفيول بمب أو تغييرها و إذا كان السبب الكربون الزائد يفضل المشي بالسياره لمسافة أكثر من 200 كيلومتر و تثبيت السرعه عند 130 مثلا.

** احيانا يكون سببها البلكات او الكويلات

السموحه

صحيح ممكن بعد

COBRA
12/06/2007, 10:20 AM
اذا شغلة السياره وسمعت صوت من المكينه كانه حد يصرخ او يعني صوت عالي((ما اعرف كيف اشرح)) :) شيك على سيور التايمنج ((تايمنج بلت))

الفقير لله
12/06/2007, 12:01 PM
ممتاز اخ cobra وين البقيه ,,,,وينكم خلونا نستفيد

السطور الذهبية
12/06/2007, 12:06 PM
من الاعطال ,,لما تمشي والسياره تاخذ على صوب ,,يعني تروح يمين او يسار طبعا لما تترك المقود ..هذا معناته ميزانيه الرود خربانه او التواير عندك يبغالهن تغيير ,,,,يعني سويلك ميزانيه رود


يالله شباب هاتوا اللي عندكم


:)

حصلت لي من يومين

و فعلا غيرت التاير و المزانية..

بس كنت خايف, على بالي الرود كله خربان


مشكور اخي هاكر

السطور الذهبية
12/06/2007, 12:07 PM
موضوع جميل و لويثبت للاستفادة بشكل أكبر


و بالاخص انه موضوع متجدد لا يحده زمان أو مكان ..

الفقير لله
12/06/2007, 02:26 PM
بالفعل موضوع يستحق التثبيت وقد ثبت وتشكر يا مشرفنا على التثبيت ,,,
السطور الذهبيه زين لحق وغيرت لا يزيد العطل معاك ويخربلك اشياء ثانيه

الفورمولاوي
12/06/2007, 03:48 PM
موضوع جميل ويشكر عليه طارح الموضوع وجميع الأعضاء المشاركين

مشكلة تحصل في بعض سيارات السوبارو .. وهو حين الضغط على الكلتش تحسه يكون فاضي لين النص وبعدين يشتغل .. واذا ضغط عليه باستمرار تحسه يمتلىء ويرجع يشتغل عادي .. هنا المشكلة تكون في الغالب من سلندر الكلتش .. وتحتاج الى تغييره .

مشكلة أخرى .. وهي في حالة احساس السائق أن السيارة طوال الوقت تريد أن تنطفيء ولا تنطلق بشكل جيد وخصوصاً عند تغيير الجير .. هنا قد تكون المشكلة من برمجة السيارة وفي أكثر الأحيان تظهر هذه المشكلةعند تصليح شيء ما في فلتر السيارة حتى لو كان تركيب بلط جديد للفلتر

والله أعلم

السطور الذهبية
12/06/2007, 04:32 PM
بالفعل موضوع يستحق التثبيت وقد ثبت وتشكر يا مشرفنا على التثبيت ,,,
السطور الذهبيه زين لحق وغيرت لا يزيد العطل معاك ويخربلك اشياء ثانيه



الحمد الله :)

من خوفي ركضت بسرعة الكراج

خسوف ما نعرف شي في السيارات :كاشخ:


مشرفنا مشكور على التثبيت

و عاد نريد نشوف مشاركات الشباب اصحاب الخبرة ( علشان تقل روحاتنا للكراجات :) )

الفقير لله
13/06/2007, 08:32 AM
زين سويت السطور الذهبيه ...


اهلا وسهلا مشرفنا الفورمولاوي نورتنا ..

انزين بغيت اعرف مكان اقدر احصل فيه برمجه للكمبيوتر للكزس 400 ال اس ,, طالعلي مسج انه لمبه البريك خربانه وانا خلاص صلحته بس المسج ما راح ,,,كيف الحل

COBRA
13/06/2007, 12:36 PM
زين سويت السطور الذهبيه ...


اهلا وسهلا مشرفنا الفورمولاوي نورتنا ..

انزين بغيت اعرف مكان اقدر احصل فيه برمجه للكمبيوتر للكزس 400 ال اس ,, طالعلي مسج انه لمبه البريك خربانه وانا خلاص صلحته بس المسج ما راح ,,,كيف الحل

جرب فصل البطاريه ووصلها مره شوف احتمال بيروح واذا ما راح
روح الوكاله اعتقد بيكون عندهم جهاز ((مثل وكالة الفورد عندهم)) واكيد كالة اللكزس عنهم روح شل سيارتك بيركبو هذا الجهاز في سيارتك وبيمسحو كل ال تربلشوتس الي عندك وكل الليتات الوالعه عندك راح تروح ان شاء الله

هذا الجهاز في سيارات الفورد يركب مكان تحت السكان شوف مكان كانه تركب فيه جهاز بلاي ستيشن :)
جرب شوف وتاكد من سيارتك شوف تحت تحت عند السكان تحت جلس دور من كل مكان عند السائق يخلي رجوله بس فوق ... اذا ما حصلته هناك اكيد بيكون موجود مكان غير والجهاز الي يركبوه اسمه Programmer


السموحه

عاشق سكايلن
13/06/2007, 07:20 PM
مشكور ع الموضوع

هاكر 2
14/06/2007, 10:18 PM
تشكرو إخواني على المرور و المشاركه

المشكله: لما أضرب بريك ما يمسك إلا بضغط قوي مع صوت مثل البريشور (تسسس).
الحل: عادة يكون سبب هذي المشكله خراب البريك بمب و تسمى أيضا البريك بوستر و الحل يكون بتغييره.

المشكله: الجير ما يطيع يركب في جير 1 أو 2 أو 3 أو بقية الجيرات إلا بصعوبه.
الحل: عادة يكون حل هذي المشكله بتغيير صحن الكلتش لكن ممكن أن يكون السبب بمب تسمى كلتش بمب و طبعا لازم تغيير الكلتش لبمب لحل هذي المشكله.

COBRA
15/06/2007, 12:50 AM
السلام عليكم

المشكله: الجير ما يطيع يركب في جير 1 أو 2 أو 3 أو بقية الجيرات إلا بصعوبه.
الحل: عادة يكون حل هذي المشكله بتغيير صحن الكلتش لكن ممكن أن يكون السبب بمب تسمى كلتش بمب و طبعا لازم تغيير الكلتش لبمب لحل هذي المشكله
او كل ما تجي تغير الغيار تسمع صوت ((الجير يخشع))


** مرات يكون من البوشات
السموحه

هاكر 2
15/06/2007, 09:35 PM
السلام عليكم

المشكله: الجير ما يطيع يركب في جير 1 أو 2 أو 3 أو بقية الجيرات إلا بصعوبه.
الحل: عادة يكون حل هذي المشكله بتغيير صحن الكلتش لكن ممكن أن يكون السبب بمب تسمى كلتش بمب و طبعا لازم تغيير الكلتش لبمب لحل هذي المشكله
او كل ما تجي تغير الغيار تسمع صوت ((الجير يخشع))


** مرات يكون من البوشات
السموحه

كلامك صحيح أخوي كوبرا و أنا واجهت المشكله مع البوشات (بوشات الجير) مرتين.
أسعدنا تواصلك

COBRA
16/06/2007, 02:46 PM
ابو قصي شاركنا بالمشاكل والحلول ;)
عشان يكون الموضوع فيه فائده للجميع وما تكون مشاركات بس تاخذ حيز على الفاضي مثل مشاركتك الثانيه :كاشخ:

السموحه اخوي
Be right back

COBRA
17/06/2007, 12:43 AM
اذا سيارتك جير اوتماتيك ويوم يبدل الجير تسمع نقعه ((اكثر الاوقات وانت تدوس الجير يوم يبدل تسمع نقعه او ضربه في الجير))

**يكون اكثر الاحيان السبب كراسي الجير ;)

السموحه

السطور الذهبية
17/06/2007, 12:50 AM
هاكر و COBRA تحدي في الخبرات و الا شو :عيار:


جميل جميل, أفيدونا أكثر

هاكر 2
17/06/2007, 04:10 AM
اذا سيارتك جير اوتماتيك ويوم يبدل الجير تسمع نقعه ((اكثر الاوقات وانت تدوس الجير يوم يبدل تسمع نقعه او ضربه في الجير))

**يكون اكثر الاحيان السبب كراسي الجير ;)

السموحه

و ممكن فيه سبب ثاني :) خاصه سيارات الدفع الخلفي و الرباعي و هو فضاوه في الدبل يعني لما تمسك العمود اللي ينقل الحركه للتواير اللي ورا تلقاه يرقل (بالفصيح يتحرك حركه بسيطه).
الحل: تغيير بعض المسننات داخل الدبل.

أخي السطور الذهبيه تشكر على مرورك و شاركنا و لو بخبره بسيطه

هاكر 2
17/06/2007, 04:14 AM
على طاري كراسي الجير

المشكله: لما تكون السياره واقفه تلقى البدي يهتز شوي إهتزاز خفيف خاصة السيارات القديمه لكن لما تضغط على الريس شوي أو تمشى يختفي الإهتزاز.
الحل: عادة سبب هذي المشكله هو كراسي المكينه أحدها أو معظمها منكسرات و الحل بتغييرهن.
كوبرا جرب طلع سبب ثاني لهذي المشكله لووول

الفقير لله
17/06/2007, 08:32 AM
جرب فصل البطاريه ووصلها مره شوف احتمال بيروح واذا ما راح
روح الوكاله اعتقد بيكون عندهم جهاز ((مثل وكالة الفورد عندهم)) واكيد كالة اللكزس عنهم روح شل سيارتك بيركبو هذا الجهاز في سيارتك وبيمسحو كل ال تربلشوتس الي عندك وكل الليتات الوالعه عندك راح تروح ان شاء الله

هذا الجهاز في سيارات الفورد يركب مكان تحت السكان شوف مكان كانه تركب فيه جهاز بلاي ستيشن :)
جرب شوف وتاكد من سيارتك شوف تحت تحت عند السكان تحت جلس دور من كل مكان عند السائق يخلي رجوله بس فوق ... اذا ما حصلته هناك اكيد بيكون موجود مكان غير والجهاز الي يركبوه اسمه Programmer


السموحه

هلابك ياكوبرا واشكرك على الرد والتوضيح الجميل ,,انا فصلت البطاريه ولكن بدون فايده ,,ماشئ غير Programmer ,,بس ماشئ مكان غير الوكاله ؟؟؟

اوقات لما تجي فوق مطب وانت لاف السكان يجي صوت مثل الضربه في التاير .ساعتها شوف الجامبين يمكن يكون خربان من يروح لداخل مايطلع الا بصعوبه وفحصه واذا طلع مو الجامبين حطلك (جريز) تحت عند المفصل وبروح الصوت ,,,,

وسلامتكم

FastCode
17/06/2007, 11:59 AM
اخواني
اسمع صوت البيرنج بعد ما خضت الوادي والامطار ....هل يجب ان اغيره بسرعه ؟

COBRA
17/06/2007, 02:23 PM
على طاري كراسي الجير

المشكله: لما تكون السياره واقفه تلقى البدي يهتز شوي إهتزاز خفيف خاصة السيارات القديمه لكن لما تضغط على الريس شوي أو تمشى يختفي الإهتزاز.
الحل: عادة سبب هذي المشكله هو كراسي المكينه أحدها أو معظمها منكسرات و الحل بتغييرهن.
كوبرا جرب طلع سبب ثاني لهذي المشكله لووول

:كاشخ: وصلت

هذي المشكله تشبهها مشكله في المكينه

وهي وانت واقف تفتح البونيت تشوف المكينه تتهزز
**مرات يكون احد الكويلات ما شغال او داخلله ماي والكهرباء ما توصل زين

نورتونا بخبراتكم ;)

السموحه

COBRA
17/06/2007, 02:33 PM
هلابك ياكوبرا واشكرك على الرد والتوضيح الجميل ,,انا فصلت البطاريه ولكن بدون فايده ,,ماشئ غير Programmer ,,بس ماشئ مكان غير الوكاله ؟؟؟

اوقات لما تجي فوق مطب وانت لاف السكان يجي صوت مثل الضربه في التاير .ساعتها شوف الجامبين يمكن يكون خربان من يروح لداخل مايطلع الا بصعوبه وفحصه واذا طلع مو الجامبين حطلك (جريز) تحت عند المفصل وبروح الصوت ,,,,

وسلامتكم


اخوي يبيعو بروجرامر بس ما اعرف بتحصل حال سيارتك ولا لا لانه حال السيارات السبورت يبيعو وفيه Performance tune وواجد اشياء ومن ظمن الاشياء الموجوده هو التربلشوت انك تقدر تمسح اي ليت والع عندك

بس ما اعرف اذا بتحصل حال سيارتك ولالا .... قيمته تقريبا 230 ريال

**وعلى طاري السبرنجات اذا ركبت سبرنجات معظم الاحيان بيطلع عندك صوت خفيف يوم تلف ولكن سبب النقعه في السيارات الي عليها هدرز هو:
(( ما السبرنجات سبب النقعه هو الحديده مال السكان لاحقه فيالهدرز ولم تلف يسوي صوت نقعه لانه الحديده شكلها على شكل مربع والزاويه تحتك في الهدرز)) :كاشخ:
بس احيانا ما كل السيارات

السموحه

هاكر 2
17/06/2007, 07:14 PM
هلابك ياكوبرا واشكرك على الرد والتوضيح الجميل ,,انا فصلت البطاريه ولكن بدون فايده ,,ماشئ غير Programmer ,,بس ماشئ مكان غير الوكاله ؟؟؟

اوقات لما تجي فوق مطب وانت لاف السكان يجي صوت مثل الضربه في التاير .ساعتها شوف الجامبين يمكن يكون خربان من يروح لداخل مايطلع الا بصعوبه وفحصه واذا طلع مو الجامبين حطلك (جريز) تحت عند المفصل وبروح الصوت ,,,,

وسلامتكم
أخي أضمنلك الوكاله ب 100 مره عن مكان ثاني و ترا البرمجه شغلة 5 دقائق و مال تقريبا 20 ريال

هاكر 2
17/06/2007, 07:20 PM
اخواني
اسمع صوت البيرنج بعد ما خضت الوادي والامطار ....هل يجب ان اغيره بسرعه ؟

يعتمد كم ماشيه سيارتك إذا فوق 100000 أفضل تغيره.

لكن في كل الحالات أفضل تغييره

الفقير لله
18/06/2007, 08:32 AM
cobra
اشكرك على التوضيح ,,وبجرب اروح الوكاله مثل ما قلت يا هاكر2 ترى السياره لكزس وعاد كله ولا تلعب في الكهرباء في بطنه ...

اقتباس cobra
**وعلى طاري السبرنجات اذا ركبت سبرنجات معظم الاحيان بيطلع عندك صوت خفيف يوم تلف ولكن سبب النقعه في السيارات الي عليها هدرز هو:
(( ما السبرنجات سبب النقعه هو الحديده مال السكان لاحقه فيالهدرز ولم تلف يسوي صوت نقعه لانه الحديده شكلها على شكل مربع والزاويه تحتك في الهدرز))
بس احيانا ما كل السيارات
,,,

حبيبي هذه اوقات تصير طبعا لما تلف هذه يكون في الغالب المشكله في الجامبين اما اذا جيت تصعد مطب فممكن يكون سبرنج انت مغيرنه وما مال وكاله ...اما عن الهيدرز فممكن يكون سبب لسيارات اصحاب الهدرز ,,اما السيارات العاديه فهو الجامبين في اغب الاحوال او عندك ربله بلاستيكيه تكون في اعلى الجامبين يمكن تكون طايحه او خربانه غيرها وبترتاح من الصوت ان شاء الله ,,,,,

تحياتي

COBRA
18/06/2007, 03:02 PM
انا قلت انه سالفة الهدرز احيانا ((يعني اللي مركبين هدرز مغيريين مال الوكاله)) ;)

وكلامك صحيح عن السرنجات والربله ويوم تغير جامبين السياره حتى يوم تلف يطلع صوت واعتقد السبب الرئيسي هو الربله

السموحه

الفورمولاوي
18/06/2007, 08:21 PM
ما شاء الله عليكم شباب..

متابعين الموضوع ومستفيدين

COBRA
18/06/2007, 09:28 PM
مشكله : وانت تمشي تحطه جير 3 او 4 والسياره مكسله وتدوس كامل تشوف الار بي ام يرتفع والسياره ما تمشي او يرتفع وبعدين ينزل مره

الحل** عادة هذا يكون الكلتش يسلب ويحتاج تغير الكلتش

المطوع التتون
18/06/2007, 11:42 PM
مشكله : وانت تمشي تحطه جير 3 او 4 والسياره مكسله وتدوس كامل تشوف الار بي ام يرتفع والسياره ما تمشي او يرتفع وبعدين ينزل مره

الحل** عادة هذا يكون الكلتش يسلب ويحتاج تغير الكلتش



صح كلامك

الفقير لله
19/06/2007, 11:54 AM
عدنااااااااا

كلام مضبوط يا cobra

..في سالفه تصير غالبا في الماكسيما وهي عندما تجد ماء تحت الفرشه اللي عند سكند سيت ...والسبب هو جهاز التدفئه في السياره والحل يا انك تصلحه بريالين بانك تفصله وتسكر البيبات او انك تشتريله القطعه اللي يركب فيها البيبين وتكون قيمتها مال 200 ريال تقريبا وهذه تكون تحت الطبلون يعني يبغالك تبطل الطبلون وشغله ,,,طبعا اذا بغيت الطريقه الاولى فانت خلاص بتستغني عن جهاز التدفئه ,,,,عاد من البروده اللي عندنا


وسلامتكم

COBRA
21/06/2007, 01:09 AM
اذا سيارتك جير اوتوماتيك وانه جالس تمشي فجاه الجير ما يطيع يتغيراو يفضي يعني السياره وانته حاطنه على الD تدوس وتشوف الريس يرتفع والسياره ما تمشي

** عليك بتنزيل الجير بوكس وتغيير السيلات والكلتش
السموحه

متيم الجبل
21/06/2007, 12:29 PM
مشكله : وانت تمشي تحطه جير 3 او 4 والسياره مكسله وتدوس كامل تشوف الار بي ام يرتفع والسياره ما تمشي او يرتفع وبعدين ينزل مره

الحل** عادة هذا يكون الكلتش يسلب ويحتاج تغير الكلتش

صحيح يكون كلتش بس ما كل أوقات يمكن يكون الجير خربان بعد

COBRA
21/06/2007, 01:33 PM
متيم الجبل
كلامك صحيح

هاكر 2
22/06/2007, 07:53 AM
المشكله:ليت واحد ما يشتغل أو ليتات العدادت و الداش بورد ما يشتغلن أو سطاب ما يشتغل .

الحل: طبعا الحل البديهي هو تغيير اللمبات للسطاب أو الليت لكن ممكن يكون سبب ثاني و هو الفيوز محترق يعني قبل لا تغير اللمبات إفحص الفيوز مال الليت مثلا أو مال ليتات العدادات و تقدر تستدل إن الفيوز محترق إذا حصلت جزء كامل من السياره ما يشتغل مره وحده مثل الداشبورد.

المطوع التتون
22/06/2007, 09:07 PM
موه قال اخيرا؟

نزار قباني
22/06/2007, 10:01 PM
زميلي متصل فيني سيارته واقفه بالشارع يضرب سلف ومكينة السلف شغاله بس ما تشتغل
السيارة ممكن تساعدوني شباب :مستغرب:

المطوع التتون
22/06/2007, 10:13 PM
زميلي متصل فيني سيارته واقفه بالشارع يضرب سلف ومكينة السلف شغاله بس ما تشتغل
السيارة ممكن تساعدوني شباب :مستغرب:



هناك الكثير من الاسباب
يمكن ما شي بترول
يمكن الفيول بمب ما تشتغل
يمكن الواير الواصل بين البور والبلاكات منفصل
ويمكن ويمكن .......................................

الفقير لله
24/06/2007, 08:32 AM
سير فيه المطوع التتون ....

هاكر 2 تسلم على الحلول والمشكله

COBRA
25/06/2007, 12:50 AM
يمكن السيور متبطلات

قلم و رمح
25/06/2007, 10:26 AM
موضوع رائع..
ياريت حد يبدأ يشرح عن اسباب توقف السيارة المفاجيْ، سواء كانت ماشية و توقفت أو كانت متوقفه اصلا و ما طاعت تشتغل..

انا صارلي موقف، كنت ماشي و انطفأ المحرك و وقفت على الجانب، ما عرفت شو اعمل، فكرت، كنت من دقايق معبي بترول فرحت و فتحت الخزان و طلع بريشر (ضغط) و بعدها اشتغلت السيارة بس لاحظت الحرارة مرتفعه للآخر. كان ماشي ابدا ماء رادياتر( سائل التبريد/الكولانت)، الخزان و الرادياتر كانو فاضيين. ملات السيارة بسائل التبريد و اشتغلت و كل شي تمام!

oman.tour
25/06/2007, 10:28 AM
Very Nice Subject

COBRA
26/06/2007, 12:55 AM
العمده الحمدلله على السلامه

قلم و رمح
26/06/2007, 08:58 AM
العمده الحمدلله على السلامه

الله يسلمك!!

الفقير لله
26/06/2007, 10:04 AM
شباب ظهرت عندي علامه CHECK ENGIN في لكزس ال اس ....كيف ممكن تروح وشو سببها بالضبط ,,كثير قالوا بسبب الكهرباء والبطاريه ,,على الرغم اني من شهر ونص مغير له البطاريه َّ

انتظر ردودكم

راعي الهمر
26/06/2007, 01:34 PM
هلابك ياكوبرا واشكرك على الرد والتوضيح الجميل ,,انا فصلت البطاريه ولكن بدون فايده ,,ماشئ غير Programmer ,,بس ماشئ مكان غير الوكاله ؟؟؟

اوقات لما تجي فوق مطب وانت لاف السكان يجي صوت مثل الضربه في التاير .ساعتها شوف الجامبين يمكن يكون خربان من يروح لداخل مايطلع الا بصعوبه وفحصه واذا طلع مو الجامبين حطلك (جريز) تحت عند المفصل وبروح الصوت ,,,,

وسلامتكم

في ربل يسمي كت بوش هوة السبب في الصوت هذا مش دايما يكون الجامبين

راعي الهمر
26/06/2007, 01:37 PM
شباب ظهرت عندي علامه CHECK ENGIN في لكزس ال اس ....كيف ممكن تروح وشو سببها بالضبط ,,كثير قالوا بسبب الكهرباء والبطاريه ,,على الرغم اني من شهر ونص مغير له البطاريه َّ

انتظر ردودكم

صارت عند واحد من الربع وكان سببها واللة اعلم -تغسيلة للمكينة بماي بريشر عالي -والوكالة قالتلة نفس الكلام-

الفقير لله
26/06/2007, 01:57 PM
صارت عند واحد من الربع وكان سببها واللة اعلم -تغسيلة للمكينة بماي بريشر عالي -والوكالة قالتلة نفس الكلام-

المكينه انا ما اغسلها ,,,,انزين وشو صار معه بعدين

Technician
02/07/2007, 07:19 PM
اولا اشكر هاكر 2 على هذا الموضوع الجميل

ثانيا انا عندي سوباروا ليجاسي موديل 2006 بس عندي مشكله في البريك دائما يوم اضرب بريك يسوي صوت خاصه اذا لحقه ماي ، ممكن تساعدوني ؟.

هاكر 2
02/07/2007, 11:58 PM
موضوع رائع..
ياريت حد يبدأ يشرح عن اسباب توقف السيارة المفاجيْ، سواء كانت ماشية و توقفت أو كانت متوقفه اصلا و ما طاعت تشتغل..

انا صارلي موقف، كنت ماشي و انطفأ المحرك و وقفت على الجانب، ما عرفت شو اعمل، فكرت، كنت من دقايق معبي بترول فرحت و فتحت الخزان و طلع بريشر (ضغط) و بعدها اشتغلت السيارة بس لاحظت الحرارة مرتفعه للآخر. كان ماشي ابدا ماء رادياتر( سائل التبريد/الكولانت)، الخزان و الرادياتر كانو فاضيين. ملات السيارة بسائل التبريد و اشتغلت و كل شي تمام!

إذا كانت ماشيه و توقفت فجأه فمن أشهر الأسباب هو الكهرباء و انها ما توصل للبلقات فيجب أن يفحصها كهربائي متخصص
و سبب آخر للتوقف المفاجيء هو الفيول بمب يمكن استوى لها شورت او اخترب الفيوز فقم بتشيك الفيوز أول (غير مال الفيول بمب مثلا بواحد صاحي و جرب شغل السياره) و أسباب ثانيه شوف اول مشاركه لي في الموضوع :).

فعلا اللي قلته ممكن يستوي من ضغط على الخزان و تشكر على مرورك الطيب

هاكر 2
03/07/2007, 12:01 AM
شباب ظهرت عندي علامه CHECK ENGIN في لكزس ال اس ....كيف ممكن تروح وشو سببها بالضبط ,,كثير قالوا بسبب الكهرباء والبطاريه ,,على الرغم اني من شهر ونص مغير له البطاريه َّ

انتظر ردودكم

شوف فيه هناك عدة حساسات sensors موصله بالمكينه و مربوطه بكمبيوتر السياره كل واحد يراقب شي فسالفة التغسيل ممكن واحد منهن استواله شورت فاخترب او ممكن واحد خربان و يبغى تغيير و تروح الإشاره أو ممكن شي خربان صحيح في المكينه ففي هذي الحاله شوفلك جراج متخصص عشان يشيك على مكينتك و أفضل تكون الوكاله لأنهم أدرى بالحساسات و أماكنهن و وظيفة كل واحد.

هاكر 2
03/07/2007, 12:05 AM
اولا اشكر هاكر 2 على هذا الموضوع الجميل

ثانيا انا عندي سوباروا ليجاسي موديل 2006 بس عندي مشكله في البريك دائما يوم اضرب بريك يسوي صوت خاصه اذا لحقه ماي ، ممكن تساعدوني ؟.

سالفة البريك و انه يسوي صوت لما يلحقه ماي هذي عاديه و تحصلها في أي سياره بس لما يكون بشكل دائم فممكن من السفايف يبغن تغيير أو ممكن من الدرم ويل بكبره لكن سمعت شباب واجد يغيروا كل هذا و لا يزال الصوت موجود و هذا و الله أعلم هيكون عيب من الشركه المصنعه نفسها.

الفقير لله
03/07/2007, 12:18 PM
السلام عليكم ,,,
اشكرك جزيل الشكر ياهاكر ,,عندك فكره وين ممكن ابدل هالحساسات ؟ ترى الوكاله يبغالها تفضي حالك زين مازين ..ومن غير الفلوس والتكلفه ؟

ams
03/07/2007, 12:28 PM
97Lexus وخليجي 400 LS عندي مشكلة انه قومته تعبانة بلمرة

يعني ثقيل بس في القومة اول ما تريد تتحرك - فحصت الجير ولفيت اكثر من جراج بس ما عرفو المشكلة

تغييرات الجير طبيعية


00 واحيانا هاي المشكلة تروح وتجي وكمبيوتر صاحي 00


بدلت البلكات + فلتر بترول .. والفيول بمب . :(

3omi
03/07/2007, 07:24 PM
السلام عليكم ,,,
اشكرك جزيل الشكر ياهاكر ,,عندك فكره وين ممكن ابدل هالحساسات ؟ ترى الوكاله يبغالها تفضي حالك زين مازين ..ومن غير الفلوس والتكلفه ؟
ايوا من وين يا هاكر

هاكر 2
03/07/2007, 07:31 PM
السلام عليكم ,,,
اشكرك جزيل الشكر ياهاكر ,,عندك فكره وين ممكن ابدل هالحساسات ؟ ترى الوكاله يبغالها تفضي حالك زين مازين ..ومن غير الفلوس والتكلفه ؟

للأسف ما أعرف

الفقير لله
04/07/2007, 08:41 AM
يارجال كفيت ووفيت

Technician
07/07/2007, 10:13 PM
سالفة البريك و انه يسوي صوت لما يلحقه ماي هذي عاديه و تحصلها في أي سياره بس لما يكون بشكل دائم فممكن من السفايف يبغن تغيير أو ممكن من الدرم ويل بكبره لكن سمعت شباب واجد يغيروا كل هذا و لا يزال الصوت موجود و هذا و الله أعلم هيكون عيب من الشركه المصنعه نفسها.

انا غيرت السفايف وعملت خراطه بس المشكله بعدها صراحه ما اعرف ايش اسوي .

الفورمولاوي
07/07/2007, 10:39 PM
هذي المشكلة صادفتني كثير وما زالت .. بس هذا الشي عادي .. رجعت لكتيب السيارة ولقيت مكتوب ان في حالة اذا تبللت البريكات عليك بتحريك السيارة والضغط على البريك بشكل متواصل الى أن يجف الماء .. يعني تحرك وتضرب بريك وهكذا ..

ولعلمك انا كنت أعاني كثيرا من هذه المشكلة أول ما أشتريت السيارة وكنت أحسب أن بريكات سيارتي على طول يروحن .. بس بعد ما غيرت سفايف سيارتي قررت أني ما ارش ماي على الاطارات عند الغسيل أبداً .. وصرت أغسل سيارتي في محطة الغسيل اليدوي وأوصيهم بعدم غسل الاطارات أبداً مهما يكون .. وأغسلهن بعدين بأسفنجة مبللة.. والآن أنا ما أعاني من صوت السفايف والبريكات تمام

جرب هذي الطريقة وبتشوف الفرق .. أنا متأكد

Evo VII
08/07/2007, 07:04 AM
لا ترش ماي على البريكات وهي ساخنه ..... اذا رشيت ماي عليها بتشوف دخان يطلع وهذا يأثر على السفايف

تخيل حديييييد سااااااااااخن فجأة ترشه بماي بارد .. خليهن يبردن شوي وبعدين غسل :كاشخ:

ams
09/07/2007, 08:04 AM
97Lexus وخليجي 400 LS عندي مشكلة انه قومته تعبانة بلمرة

يعني ثقيل بس في القومة اول ما تريد تتحرك - فحصت الجير ولفيت اكثر من جراج بس ما عرفو المشكلة

تغييرات الجير طبيعية


00 واحيانا هاي المشكلة تروح وتجي وكمبيوتر صاحي 00


بدلت البلكات + فلتر بترول .. والفيول بمب . :(

وينهم الخبرااااء . . . ولا بس دعايا :بلابلا::بلابلا::بلابلا:

:معصب::معصب::معصب:

LiOoOn
09/07/2007, 01:15 PM
شكرا اخوي هاكر على هالموضوع
عندي كمن مشكله واتمنى القى الحل عندك
اول شيء مواصفات السياره مكسيما 2001
المشكلة الاولى : قومتها ضعيفة؟؟
المشكلة الثانية : ترفع حرارة يوم تتعدى السرعة 150 لاكثر من النص مع العلم ان اني منظف الراديتر وماي متروس ومبطل البويه؟؟
المشكلة الثالثة : اول ما تبدي تمشي فيه هزه بسيطة وتستمر حت تعدي سرعة 140؟؟؟
المشكلة الرابعة: الكلتش عندي احيانا يفضى يعني ينزل على الاخر ولا يرضى يرجع مع العلم مبدل صحن الكلتش؟؟؟
انتظر عصارة خبرتك

AL-RAWAHI
09/07/2007, 04:04 PM
100/100

AL-RAWAHI
09/07/2007, 04:11 PM
:كاشخ: وصلت

هذي المشكله تشبهها مشكله في المكينه

وهي وانت واقف تفتح البونيت تشوف المكينه تتهزز
**مرات يكون احد الكويلات ما شغال او داخلله ماي والكهرباء ما توصل زين

نورتونا بخبراتكم ;)

السموحه
ضبط الريس وتروح المشكلة

الفقير لله
10/07/2007, 08:03 AM
check engine لازالت مولعه معاي ...
هل من حلول

العيسائي
14/07/2008, 09:14 PM
إخواني عندي مكسيما 2000

المشكلة لما أكون مبركن السيارة في أي موقف و تكون مشغلة ترتفع درجة الحرارة و عاد المصيبة إنه الجير معي الاوتوماتيك ما يبدل يعني أدوس الريس كامل بس الرعة تثبت عند 40 و أر بي إم يزيد

المشكلة الثانية أسمع دقه في الجير؟؟؟؟؟؟؟؟؟؟

المشاكس1
14/07/2008, 09:34 PM
السلام عليكم ورحمة الله وبركاته

اخي العزيز ماكسيما 2000 عيبها الحرارة كلها الناس تعاني من هذه المشكلة انته تقول انك نظفت راديتر وغيرت الماي ولغيت البويه حاول تغير الراديتر تخلي ابو 3 عيون وجرب والله يعنك لانه بصراحة هذه مشكلة في الصنع كثير ناس عندنا يشتكوا من الحرارة في هذا الموديل ، عندي احد الاخوة عانى كثير من هذه المشكلة لدرجة انه فكر يبيع السيارة كل شي غيره الراديتر والمراوح و البويه وبعده نفس المصيبة ، اخي لو استمرت المشكلة طرش لي مسج وبسال صاحبنا ايش سوى

بالنسبة للاخ صاحب الماكسيما 2001 الجير ما عندي حل ليك وما استطيع افتي كذى وبعد ترى عيب في الصنع بعد اكثر ماكسيما 2001 تعاني من الجير

بعد عندي ملاحظة / ماكسيما 2003 فيها عيب صنع الذي هو عداد البترول يخترب ومايتصلح في عمان ابدا وكثير شباب عانو من هذه المشكلة لو رحت الوكالة بقولك بدله وقيمة الجديد 300-400 ريال ، لكن الحمد الله يوجد مختصين في امارة العين يصلحوه وخلصوك من هم تغيره بــ 250 درهم امارتي وبعد صراحة تصليح مضبوط نسيت شي في عيب في ماكسيما 2003 الذي هو الكويل دايم يخترب لما يلامس الماء وقيمته في الوكالة 18 ريال تقريبا وفي الكيومي 90 درهم يعني النصف

imadj11637
14/07/2008, 09:46 PM
check engine لازالت مولعه معاي ...
هل من حلول

اخوي اذا كنت في مسقط روح وادي عدي في محطة شل عند خدمة السيارات و افحص السيارة
ب الكومبيوتر ب 15 ريال و بيظهر العيب و اذا كنت في الباطنة روح عند كهربائي في الرستاق خلف محطة البترول شل بتحصل واحد عماني شاطر ( ماء شاء الله ) عن الحسد
ب 5 ريالات فحص كومبيوتر و بيعطيك الحل

الغافري
18/12/2008, 12:44 PM
موضوع جميل جداً ,


للرفع والفائده

بطل عمان
18/12/2008, 03:07 PM
سلامات الغافري ! الموضوع قديم من كم شهر الحين . . .

شاطئ السيب
18/12/2008, 03:12 PM
سلامات الغافري ! الموضوع قديم من كم شهر الحين . . .

:عيار: باغي يستفيد الرجال

الغافري
19/12/2008, 04:09 PM
سلامات الغافري ! الموضوع قديم من كم شهر الحين . . .

يظل يحمل الكثير من الخبرات لمشاكل السيارات ;)
تحياتي القلبية:)

مستر عفريت
19/12/2008, 05:01 PM
سيارتي سوبارو ليجاسي موديل 2007 ..
مشكلتها انه يوم امر على مطبات ولا الشارع ما زين السيارة واجد تقفز وتتنطط .. غير عن قبل كانت تطوف على نفس الشارق بأقل اهتزازات ..
والشكلة الثانية يوم الف الستيرينج وادخل مثلا شارع مازين او مطبة اسمع اصواط وهزة بسيطة ..
هالجامبينات يبغالهم تغيير؟