أبي أسافر تايلند

[رأس الحد]

شباب أبي أسافر تايلند بروحي ،، أعطوني جدول حق 3 أيام وتراني أول مرة أروح وهالمرة أبي أروح بتايا يعني جدول عن بتايا وبس ،، وشو أسوي من أوصل المطار وكم تبوني أشيل معاي فلوس ؟؟

[desert life]

عادي دامنها 3 ايام ما بتكلفك واااجد....

اول ما تخلص اجراءاتك من المطار اطلع خارج وبتشوف اصحاب التاكسي طوابير قولهم انك تريدي تروح بتايا وطبعا لانك سائح بياخذوك الى منطقة العرب في بتايا.... طبعا الطريق يمكن ساعتين او اقل....

ولما توصل عادي سهله من ناحية الفنادق متوفره عاد انته وميزانيتك تريد فندق راقي ولا عادي....

[fatboyslim]

- اول شي في الطائرة
شل معك قلم في الطائرة لان المظيفه بتعطيك استمارة دخول تايلند لازم تعبيها بشكل كامل وصحيح حتى لا يعرقلونك ويسألونك وين رايح وين بتسكن وإذا صعب عليك الامر إسأل الناس إلي جنبك..

- عند الهبوط
حاول انك تتحرك مباشرة ما تنظر الركاب لما يغادرون من الطيارة علشان ماتوقف طابور طويييل واتكون في الصف الاخير عند ختم الجوازات..

- في المطار
وبعد الخروج من الطيارة تمشي في الممر يجيك يمين ويسار امش يمين مسافة 100مترتقريبا بتشوف على يسارك كاونترات الجوازات اذا شفتها زحمة روح حق الكاونترات اللي على يسارك في الآخر ولاحظ ان الناس مايروحو لها لان مامكتوب عليها جوازات الاجانب بس ماعليك اذا شفت موظف جالس عالكونتر عطه جوازك كأنك ما عارف شئ بتشوفه بيخلصك والناس لحينها صافته طابور..خلف الكاونترات مباشرة في درج متحرك نزولا تنزل وبتشوف حزام استلام الامتعة دور أي واحد فيهم عليه اسم رحلتك تاخذ شنطتك ومقابل استلام الامتعة في بوابة صغيرونة تطلع منها وخل مشيتك طبيعية لان في واحد قاعد هناك مجرد ما يشك فيك بقولك افتح الشنطة للتفتيش..ماعلينا منه..تطلع من هذي البوابة تمشي يسار ويكون على يمينك ويسارك مكاتب حجز فنادق ورحلات وصراريف كمل على بوابة الخروج عندها بتصيدك وحدة من تاكسي اللوموزين معاها دفتر فواتير بتسالك where u go تقولها بتايا بتقولك come with me اسالها عن نوع السيارة اللي بتعطيكم تقولك كامري2004 وسعرها 1800بات إلين بتايا وفي وحدة ثانية بتقولك فولفو وسعرها 1600بات جربتها مرة وما اعجبتني ومن يومها ما اركب الا الكامري2004 لان في غيرها 2002 الشكل القديم لاتاخذها لان الاولى اجدد وفيها مشغل cd,,طبعا بتسلم الفلوس اول شيئ وبتاخذ وصل بالمبلغ

- التاكسي من المطار الى بتايا
اسال السايق يمكن يكون عنده اشرطة اوسي دي عربي لاني مرة وحدة طلب مني التاكسي سي دي (اغاني عربية) كنت جايبه معاي فاعطيته..طبعا الطريق بيكون حوالي ساعتين بس ما بتحس فيه من روعة المناظروالجبال الخضرة حواليك..

- الوصول الى بتايا
انشاء الله توصل بتايا بالسلامة,,بتشوف التاكسي بياخذك حق الشركة اللي تابع لها(ليموزين تاكسي) علشان يعلمهم انه وصل بتايا ..

- الى الفندق
طبعاً أنا أتوجه مباشرة إلى منطقة العرب.. وتكثر فيها الفنادق..منها: فندق الفي سي(750-850 بات) والمارين ينسباي(700بات) ومارين منشن(550 بات) و وايت روز منشن(550-600 بات) و p.n منشن(400بات) ورايت سبوت ان ان (550-750بات) تختارون لكم فندق من هذي الفنادق على حسب إللي يعجبكم بعد السكن لا تنسى تشتري شريحة جوال تايلندي والمتوفره في كل سوبرماركت او محلات واسواق في كل مكات تلقى يبيعون شرايح ..

- التجوال والتمشي في المدينة
بمجرد ماتوقف أمام فندق الفي سي بدون ما تأشر راح توقف لك تكاسي بتايا (وانيت) تركب في الصندوق بدون ماتقول للسايق وين تبي تروح.. ويكون خط سيره من أمام فندق الفي سي بخط مستقيم وعلى طول 5 كيلومتر إلى دوار الدولفين .. إللي هو في آخر بتايا.. وبعدها يعود التاكسي على شاطئ بتايا رجوعاً إلى قرب فندق الفي سي مكان ماركبت .. وهذي الجولة كلها ب١٠ بات أي ١٠٠ بيسة

المراكز التجارية:
مركز البيج سي (حلو)
مركز رويال جاردن (حلو)
مركز مايك مول (مركز تسوق 5 طوابق) فيه كل شئ
مركز TOPS (تسوق وبولينج)
مجمع كارفور
مجمع LOTTOS
وبصراحة ارخصها الLOTTOS

الرحلات يا كثرهن في باتايا:
كيف تختار رحلتك؟؟
نفس الشي تروح قدام فندق الفي سي بتشوف باصات صافته.. والكل ينادي على مجموعة من الرحلات.. ومعاهم استكرات وصور لهذي الرحلات.. وعليك بالمكاسر معاهم.. ومن هذي الرحلات:
الشلالات >>ساعتين خارج بتايا
حديقة الفيلة>> في بتايا
حديقة مزرعة التماسيح>>بجانب حديقة الفيلة..
حديقة (كاوكياو) أي: الجبل الأخضر..قممممه الروعة.>ساعة خارج بتايا..
حديقة (تايجر زوو) >>قريبة من حديقة كاوكياو..
حديقة الثعابين >> في بتايا
حديقة بتايا بارك
عالم تحت الماء
البيج بودا
شاطئ جامبتيان

الجزر:
جزيرتين حوالي عشرين دقيقة من شاطئ بتايا بالزورق السريع..
وبمجرد ماتوصل إلى شاطئ بتايا بتشوف البعض يناديك ويقول: آيلاند آيلاند.. أو جزيرة جزيرة ..وسعر الرحلة حوالي 600 بات
تجد فيهم البرشوتات والجيت سكي ولعبة الموزة الممتعة وميدان للرماية ويوجد على قمة الجزيرة

[رأس الحد]

السلام عليكم ::
مشكـــــــووووووووورين وجزاكم الله ألف خير ..

[راعي السفينة]

رحلة سعـيده الشـمي :عيار:

[GULF STAR]

حد يروح 3 ايام جلس مكانك هيين ريح نوبه