أريد أزور الامارات يومين بس... أفيدوني

[الضحية]

أرجو من الجميع أن يشاركوني فأنا اريد زيارة الامارات في يومين بس مع عائلتي الصغيرة بس ماعارف فين أوديهم بس أريد أماكن مغلقة عندنا طفلة صغيرة لا تحتمل الحر....

[الضحية]

أرجو من الجميع أن يشاركوني فأنا اريد زيارة الامارات في يومين بس مع عائلتي الصغيرة بس ماعارف فين أوديهم بس أريد أماكن مغلقة عندنا طفلة صغيرة لا تحتمل الحر....

[humoud]

وين بالضبط , ابوظبي ام دبي ؟ عشان ندلك وين تروح

[الضحية]

أبوظبي والعين ودبي وشكرا ع مرورك الكريم

[ابوسعيد1]

أرجو من الجميع أن يشاركوني فأنا اريد زيارة الامارات في يومين بس مع عائلتي الصغيرة بس ماعارف فين أوديهم بس أريد أماكن مغلقة عندنا طفلة صغيرة لا تحتمل الحر....

اذا في السكن فعليك انك تسكن الشارقة افضل مكان في نظري عندهم فنادق نظيفة
وتطلب منهم يعطوك دليل سياحي لجميع الامارات مزود بمسارات الطرق واهم المواقع التجارية والسياحية في كل امارة
ورحلة موفقة ان شاء الله تعالى تسعد فيها مع عائلتك
فقط هذه وجهت نظري اتوقع الاخوة لهم ردود قد تكون اوضح واشمل

[الضحية]

مشكور عزيزي أبو سعيد1 ع مرورك وع افادتك.....تسلم

[ابوسعيد1]

العفو اخي الفاضل
متابع

[مدفعجي الهايبري]

الشارقة والعين تكفي
بالنسبة للعين:
حديقة هيلي
حديقة الحيوان
جبل حفيت
المبزرة
الاسواق بكل انواعها

بالنسبة للشارقة:

القصباء ==دايم فيها فعاليات خصوصا بالليل
سوق البحر
المجمعات
الحدائق العامة

السكن::
بالنسبة للشارقة في فنادق نظيفة وجميلة ورخيصة نسبيا
شروق الشمس
المجد
رويال
وغيرها شوف بنفسك

بنسبة للعين::
نصيحتي لك اسكن البريمي لانه كل شيء قريب

رحلة موفقه لك ولاسرتك

وترانا جاهزين امر وتدلل

[humoud]

أبوظبي:

المارينا مول
فندق قصر الامارات (للفرجه بس أما السكن فخلها على الله)!
ممكن تتعشى في مطعم السفينه - على البحر قريب من المارينا مول
شاطئ الراحه , اذا كنت من هواة السباحه

ممكن تسكن في شقق فندقيه في شارع حمدان خلف فندق كراون بلازا مناسبه نوعا ما (55 ريال لليلة) وقريبه من كل الاماكن

[المعتقد]

درب السلامه

[الضحية]

مشكور أخي مدفعجي الهايبري ع المشاركة وجزاك الله عني بألف خير
والشكور موصول لك أيضا أخيhumoud وع افادتك الرائعه وجزاك الله عني خير الجزاء
بس نسيت أخبركم أني أريد فنادق رخيصة تراني ع الحديدة بس صعبان علي العايلة الكريمه طول الوقت في البيت وأنا دايما مشغول

[الضحية]

شكرا أخي المعتقد ع المشاركة وع مرورك

[الضحية]

أرجو من المشرفين عدم غلق الموضوع أو نقله الى سبلة السفر والسياحه لأن هناك ماحدعبرني وهنا ماشاء الله أيادي تطبع الخير والمساعده وأنا بصراحه محتاج معلومات كثيرة

[بين الغيوم]

المدينة الثلجيه في دبي مول تناسبك في هذا الجو الحار
واشتري أغطيه للراس واليدين لان الجو داخل ثلج

المدينه المائيه او ورلد وادي فيها متعه بس ما زينه للعائلات لان فيها من هب ودب( الي مايستحو) تحصلهم مامحتشمين ما انصحك تروحلها

واذا تريد اماكن حلوه شوفلك مكاتب سياحيه

[الضحية]

مشكور أخي بين الغيوم ع المعلومات أنت أول شخص يعبرني ولعل ردك فاتحة خير

[الحمامة 2008]

فنادق في دبي ماتحصل اقل من 40 ريال اما الشارقة الاسبوع الي طاف كنت فيها سكن في فندق عادي 38 هدا بعد مادورنا الشارقة فندق فندق ارخص واحد حصلناه 38 اما العين ما اعرف بس ابوظبي تسكن 38 الى 40 ارخص فندق هده الفنادق تعبانة اما تسوق فكل شي الي لزمك اقل شي 500 ريال اذا ماكان اكثر حتى المواقف لساعة بنص ريال يعني امارات وايد غالية والله فكل مرة نروح نخسر من 500 الى 1000 ونرد متحسرين ونادمانين هذا الي اقدر افيدك ادا ماعندك غوازي فمن الاحسن ماتروح لان كل شي تشوفه تباه وخصوصا احنا الحريم الله يعين

[الضحية]

شكرا الحمامه شكلي بهون من ردش ماعندي فلوووووس

[الضحية]

اللــــــــــــــــــــــ ه يسامحكم بعد نقلتوه.!!!!!!!!!!!!.. أظن بو نقله قرأ العنوان بس ماكلف خاطره يقرأ الردود عشان يقرأ طلبي بأبقاء الموضوع ف سبلة العامة بحكم كثرة زوارها:مستغرب:

[tiger73jo]

موضوع مفيد للجميع خصوصا اذا شارك ذوي الخبره بأرائهم

[ياطير]

مرحبا ....

هلا هلا ...
صعب خلال هاليومين تروح الثلاثة أماكن

أنا أفضل أنك تروح العين ، لانها اقرب مكان لعمان بعد البريمي
دبي بهالوقت وايد زحمة ونفس الشئ بوظبي يعني يومكم بالطريج وما راح تتهنوا ...

اذا بتروح العين في عندهم مجمع العين مول وعندهم كارفور وعندهم الفلاح بلازا وكثير من المجمعات الكبيرة ومتوفر أغلب الأشياء وخاصة عندك طفل صغير ((الله يحفظة))

وفترة العصر تقدر تروح عين الفايضة والا تطلع جبل حفيت والا تروح حديقة الحيوانات ...

وفترة الليل تقدر تروح حديقة الهيلي للألعاب ...

أتمنى لكم إجازة سعيد وطريج السلامة ...:)

[دمعة حزن8888]

أخي العزيز أذا كنت تريد زيارة الأمارات أعتقد يومين ما يكفن أبداً لأن لازم تحسب مسافة الطريق أي يريدلك ع الأقل أذا كنت من الشرقية 4 ساعات وإذا من مسقط 3ونصف تقريباً وأحتمال تتوقف في الطريق في بعض المحلات عموماً أخي العزيز :
شو رايك تروح العين فقط .
فيها حديقة ا لحيوانات
المبزرة
السوق المركزي + ( أسوق هدايا العين طبعاً تحصل أغلب العمانيين هناك )
حديقة هيلي
حديقة عين الفايضة
وغيرها من الآماكن
وأيضاً البريمي قريبة ويمكن تسكن فيها لان إيجار الفنادق أرخص شوي .

هذا معلومات بسيطة جداً وأتمنى لك التوفيق في الرحلة العائلية .

وإذا أحتجت شي فى الأمارات وبالأخص مدينة العين راسلني ع الخاص

[omani7]

اخوووووي روح الامارات مول فيها المدينة الثلجية بصراحة مكان جميل جدا المكان ينفع للعائلة

[حان الرحيل]

دبي يحتاجلها وقت اطول عن يومين بسبب الازدحام وكثرة الاماكن التي يمكن زيارتها

افضل لك العين يكفيها يومين

[omani7]

درب السلامه

[أم الأيهم]

أرجو من الجميع أن يشاركوني فأنا اريد زيارة الامارات في يومين بس مع عائلتي الصغيرة بس ماعارف فين أوديهم بس أريد أماكن مغلقة عندنا طفلة صغيرة لا تحتمل الحر....

أخوي أنصحك تروح العين لسببين:
أولاً: ما عندك غير يومين
و ثانياً: مفلس على قولتك ( على الحديدة)

بصراحة في أماكن كثير حلوة في العين ممكن تزورها كلها في هاليومين مثل جبل حفيت و حديقة الحيوانات و الهيلي و الأسواق و غيرها. و بالنسبة للسكن الأفضل تسكن في البريمي كثير قريبة من العين و بتحصل فنادق نظيفة و رخيصة تقريباً الإيجار (15 ريال فقط) هذا إذا ما رفعوا الإيجارات بعد الطفرة إللي استوت:معصب:
و رحلة موفقة إن شاء اللة:)

[رفـيـق الـعـمـر]

نصيحهخ لا تروح هذيك ما بلاد ..... روح صلاله .. توه الخريف بادي لا بعوض ولا ربشه ولا غشه

[omani2009]

نصيحهخ لا تروح هذيك ما بلاد ..... روح صلاله .. توه الخريف بادي لا بعوض ولا ربشه ولا غشه

أخي عيب هذا الكلام...كيف يعني ما بلاد ما فهمت!!!!!
الامارات عزيزة علينا وأهلها هم أهلنا

[دايم الترحال]

فنادق في دبي ماتحصل اقل من 40 ريال اما الشارقة الاسبوع الي طاف كنت فيها سكن في فندق عادي 38 هدا بعد مادورنا الشارقة فندق فندق ارخص واحد حصلناه 38 اما العين ما اعرف بس ابوظبي تسكن 38 الى 40 ارخص فندق هده الفنادق تعبانة اما تسوق فكل شي الي لزمك اقل شي 500 ريال اذا ماكان اكثر حتى المواقف لساعة بنص ريال يعني امارات وايد غالية والله فكل مرة نروح نخسر من 500 الى 1000 ونرد متحسرين ونادمانين هذا الي اقدر افيدك ادا ماعندك غوازي فمن الاحسن ماتروح لان كل شي تشوفه تباه وخصوصا احنا الحريم الله يعين


زين خبرتينا عشان ناخذ احتياطنا في المستقبل :ضحك:

[الضحية]

شكر tiger73ji ع مرورك وتعقيبك

[الضحية]

شكرا لك ياطير ع هذي المعلومات بس أنا سبق وديتهم كل الأماكن اللي ذكرتها ف العين أظن بيملوا اذا وديتهم هناك مرة ثانية بس ماينمع أوديهم المراكز اللي ذكرتها لأنها حاجة ماتنمل مع أن فيها تخسير فلووووووووس واجد

[الضحية]

مشكور أخي دمعة حزن 8888 ع المشاركة وفكرة أني أسكن البريمي من البداية حاطنها ف بالي وأن شاء الله ان احتجت معلومات أكثر بخبرك ومشكور ع أهتمامك عزيزي

[الضحية]

مشكروomani7 ع المشاركه.. فكرت المدينة الثلجية رائعه ماخطرت ببالي بس فين الامارات مول هذي؟؟؟

[الضحية]

اشكرك أخي الكريم حان الرحيل ع المشاركه.... فعلا دبي وحدها مايكفيها يومين بس أنا كنت ناوي أروح هناك بس سوق التنين وأرجع وأشوف الاقتراحات تؤيد ذهابي للعين فقط وشكلي بسمع كلامهم... بس أيش رايكم ف فكرة المتاحف؟؟؟

[الضحية]

مشكورة أختي أم الأيهم,,,فعلا الايجار ف البريمي أرخص ..اقتراح موفق..

[الضحية]

مشكور أخي رفيق العمر ع المشاركه. أنا فعلا ناوي أروح صلاله بس ع شهر 8 يكون جمعت كم بيسة;) بس ماعرف ليش ماأحب صلالة مع أني ماسبق وزرتها!!!! بس الجماعة هنا يقولواواعدنهم :منتزق: وأخاف أكون واعدنهم بالصدق:حزين:

[الضحية]

شكرا أخي عاشق الجنوب ع مرورك... بس عاد لا تاخذ كلام الحمامه حجة وتمسك أيديك وتضيق ع جماعتك;)

[-master-]

العين ماتنفع في الصيف هي حلوه بس في الشتاء


روح الشارقة وبس اذا رايح يومين فيها كل شي الاسواق والمجمعات والحدائق ولاتنسى عجمان طالعة طلعة بصراحة محلاتها جدا جميلة واسعارهم مناسبة

وانت تسوق في الشارقة تحصل عمرك في عجمان يعني مابعيده
اذا بغيت ملابس حال الاولاد لا تفوت عجمان وخاصة محلين الفاين فير و فيشن لاين وفي محلات كثيرة تبيع ماركات جدا جيدة

والمجمعات كثيرة في الشارقة وبترتاح من سالفة الواقف لان كل مجمع وفيه مواقفه الخاصة روح انصار مول حلو فيه كل شي واسعاره مناسبة

والعبايات والويل والسوالف النسائية كلها موجودة في سوق البحر
وبنص القيمة عن مسقط

الادوات المنزلية في سوق البحر وكل شي موجود الاصل والنقلي ومال مشي حالك

الفنادق موجودة بكثرة في منطقة تبعد عن سوق البحر 2 او 3 كم بس اسمها "المجرة"


الجدول المقترح
اطلع من مسقط الفجر
لما توصل سوق التنين بيقابلك دوار وفيه جسر انت خذ اليمين لانك اذا واصلت بتروح دبي وبتورط
واذا اخذت يمين هذا الشارع يشلك الشارقة مباشرة واذا عندك نفجيتر او خارطة امورك تكون اسهل وما بتخسر وقت المهم لما توصل الشارقة روح المجرة وابحث عن فندق وريح
اجازة سعيدة

[هي فقط]

السلام عليكم

ان شاء الله تروح اخوي وتستانس والعايلة بعد

بدبي فيه شارع المرقبات اعتقد كله شقق فندقية وفنادق وباسعار مناسبه

وباسعار مناسبه

واذا ما حصلت روح الشارقة مقابل فندق رديسون ساس فيه كذا فندق باسعار حلوة

وتقدر تدخل موقع المسافرون العرب قسم الامارات كله استسفارات عن الامارات ورووووووووعة تستسفيد واجد

[الضحية]

شكرا لك_master_ الذهاب لعجمان فكرة حلوة شكلي بزود يوم ف الرحلة عشان أروح عجمان...مشكور أخي

[الضحية]

مشكورة أختي "هي فقط" وسأدون أسماء الفنادق اللي ذكرتيها فقد أحتاجها...جزاش الله خير

[alhomani22]

والله الصراحه انا ما جالي رحت الامارات غيره مره
سرت ابو ظبي
يعني ما انفعك

[الزمرد الاخضر]

صباح الورود
انا زرت الامارات الاسبوع الماضي بس كانت رحلة ولا اروع طلعنا صباح الاربعاء ورجعنا الخميس بالليل جلسنا في فندق بالشارقة غرفتين 50 ريال نظيف عالاخر الافطار بوفية مجاني
وبعدها قسمنا وقتنا بالتسوق والسياحة وزرنا دبي ورحنا المولات سوق التنين وسوق الوصل ومنطقة ديرة والسوق الايراني وركبنا مترو دبي روووووووووعه وصلنا برج خليفة يهبل وجنبه النافورات الراقصة وبعدها رحنا عجمان في سوق البحر رخيص كثيييير

[سما عمان]

فنادق في دبي ماتحصل اقل من 40 ريال اما الشارقة الاسبوع الي طاف كنت فيها سكن في فندق عادي 38 هدا بعد مادورنا الشارقة فندق فندق ارخص واحد حصلناه 38 اما العين ما اعرف بس ابوظبي تسكن 38 الى 40 ارخص فندق هده الفنادق تعبانة اما تسوق فكل شي الي لزمك اقل شي 500 ريال اذا ماكان اكثر حتى المواقف لساعة بنص ريال يعني امارات وايد غالية والله فكل مرة نروح نخسر من 500 الى 1000 ونرد متحسرين ونادمانين هذا الي اقدر افيدك ادا ماعندك غوازي فمن الاحسن ماتروح لان كل شي تشوفه تباه وخصوصا احنا الحريم الله يعين

لو أنك تحجزي عن طرق النت سوف تجدي أسعار أقل من ذلك بكثير عن طريق مواقع الحجز

[خندق مسقط]

صباح الخير

صراحة..أشجعك على العين والشارقة لمدة يومين...تشتل من عُمان من الصبح..الساعة 11 أنتة في العين..تغداء في العين مول..وخليك هناك الى الساعة 5 بعدها روح حديقة الحيوانات لمدة ساعتين..وقبل 8 أطلع الى الشارقة..مثل ما قالوا الأخوان أسكن في واحدة من الشقق..وريح هناك وفي المساء روح بحيرة خالد والقصباء مكان رائع..

أقضي الوقت في مراكز التسوق والحدائق...رايح تستانس كثير

على فكرة..من العين أسلك الشارع الى دبي ولف في اقرب أتجاة الى الشارقة..

أذا تحس الوقت ما يناسبك..أسكن في الماسة في البريمي..نظيف نوعا ورخيص وعندهم شقة بغرفتين بس ما عندهم أفطار..بس مايهمكم..مطعم عروس دمشق مقابلك..وكل عني وعنك مسبحة وفتوش وفتة وكوكتيل..ما باغي من عوس دمشق عليك بمطعم صحارى في العين..أو الصفدي..ما رايحين يجيبولك كيما ودال لا تخاف

أبوظبي حليوة وخصوصا المارينا..بس مشكلتها الزحمة